․․․ Եվ ուղղորդում—հուշում տիար մենթորի 

Գրառում 1․ 

Արևմտյան դպրոց—պարտեզի Թալին նախագծային խմբի երթուղին՝ Աշնակ—Դաշտադեմի բերդ—Թալինի կաթողիկե, այսպիսի պատրաստությամբ—բովանդակությամբ—ուղղություններով, մասնագիտական առաջնորդությամբ՝ Աշոտ Տիգրանյան, Սոնա Փափազյան, Սեդա Թևանյան, ճանապարհող ծնողների լրջությունը, սովորողների ոգևորվածությունը, խոսում են ոչ միայն կրթահամալիրի 4-5-րդ դասարանցիների համար հեղինակային մանկավարժությամբ ստեղծված ուսումնական մոդուլի մասին, այլև նախագծային ուսուցման նոր մակարդակի հաստատման․․․ Բարով։
Ես տեղում համոզվեցի։ 

Գրառում 2․ 

Երեկ 1in.am-ի հաղորդումից վերադարձի ճանապարհին ինձ գտան Երասխում կամուկացի մեջ հայտնված Կարինե Պետրոսյանը, Անահիտ Մելքոնյանը, Ռոզա Գսպոյանը, 7-րդ դասարանցիների նախագծային խումբը․․․ Ուժեղ—առատ ձյունը, Հերմոն—Արատեսի գոտում էլեկտրասնուցման վթարը առաջացրել էին փակ ճանապարհներ․․․ Առաջ գնալը վտանգավոր է, ե՞տ վերադառնան․․․ Ձյուն—ձմեռը, միասին արատեսյան հեքիաթի հեռանկարը սեբաստացիներին դարձրել էին հաստատակամ, դժվարությունների առաջ աննահանջ․․․ Ինձ հուզեց, որ ուսուցիչները բռնեցին սովորողների կողմը։ Ի՞նչ ասեմ, կեցցե՛ք, ես էլ այդպես կանեի․․․ Մենթոր—տիարի շտապ օգնությամբ լուծումը գտնվեց․․․ Նախանձեցիք, չէ՞, երեկվա իրիկունը, լուսաբացը վայելումով Եղեգիսի նորաբաց Hotel Arevi կացարանում անցկացրած խմբին․․․ Արատեսի ճանապարհն անցանելի է այսօր, էլեկտրասնուցումը՝ վերականգնված, սեբաստացիները՝ Արատեսի հարմար գրկում․․․ 

Բարի վերադարձ, ընկերներ, Արատեսի թարմ տպավորություններով, առաջարկներով։ Մեզ մնաց առաջիկա օրերին Թալին—Արատեսի մասնակիցների բլոգներով անցնել հատ—հատ։ 

Գրառում 3․ 

Բլեյան կրթական ցանցով կրթահամալիրի մանկավարժական ակումբի երեկվա աշխույժ քննարկումը ի՞նչ է ասում ձեզ—մեզ․․․ Սեփական գործի հեղինակը դառնալուն պատրաստ մանկավարժական աշխատողներ հանրապետությունով մեկ կան, որ ուզում են փոխել իներցիայով եկող անպտուղ գործունեությունը, հաղթահարել անգիրի դպրոցի փակ շրջանը, տեսնել սովորողի շահը կրթական ծրագրի յուրաքանչյուր փուլում։ Մեր «Դպիրը», Արմինե Թոփչյանի խնամքով կազմակերպած հավաքով նոր շահառուներ ու հեղինակներ ձեռք բերեց, մնացածը կերևա մեր համատեղ աշխատանքով։ Հետևեք մենթոր տիարի իմ գրին։ 

Գրառում 4․ 

Հյուսիսային դպրոց—գեղարվեստում ծնողական խմբերի հետևողական անցումը կերպարվեստի՝ խեցեգործության, քանդակագործության, գրաֆիկայի, կերպարվեստի բաժիններով, զարդակիրառական նմուշների ստեղծումը, դրանցով հանգանակության կազմակերպումը, հոգատարության շարունակական նախագծի սնուցման՝ հեղինակային մանկավարժությամբ կառուցված աղբյուր է, արտադրությամբ ուսուցման մեջ սեբաստացի ծնողներին—ուսուցիչներին ներգրավում կրթահամալիրով մեկ, «Ձոն» ստուգատեսով․․․ Նաև այսպես է գործուն դառնում սեբաստացի կրթական համայնքը։ Հետևեք կրթահամալիրի գեղարվեստով «Հոգատարություն» ուսումնական նախագծի զարգացումներին։ 

Կեցցեք, Քնարիկ Ներսիսյան, Ալիս Գևորգյան և ընկերներ։ 

Գրառում 5․ 

Շաբաթը նշանակալի եղավ մեր հեղինակային մանկավարժության զարգացման—տարածման հուսալի գործընկերության դրսևորումներով․․․ Իմ ներգրավումը «Դար» տարածաշրջանային զարգացման և մրցունակության հիմնադրամի «Գագարին» պրոյեկտում, որպես հանրակրթության ծրագրերի մենթոր, կրթահամալիրն իր նորարարական փորձով մասնակից դարձրեց պրոյեկտի աշխատանքներին․․․ «Դար» հինադրամը, կրթահամալիրը, պրոյեկտի գործընկերությունը խոսքերից—ցանկություններից անդին են, հեռանկարը՝ ոգևորող։ Առաջիկա շաբաթը աշխատանքային տարբեր խմբերով սկսում ենք գյուղ առ գյուղ ծանոթացումը։ 

Այսպիսի նշանակություն ստացավ նաև կրթահամալիրի և Եվրասիական համագործակցության հիմնադրամի՝ պատմություն ունեցող գործընկերությունը․․․ «Մարդամեջ» ծրագրում կրթահամալիրի «Կրթական պարտեզի» գրասենյակի ներգրավումը առաջացրեց հիմնադրամի ու կրթահամալիրի աշխատանքային խմբի երեկվա հանդիպումը։ Սեբաստացի ծնող Միքայել Հովհաննիսյանի նախաձեռնությամբ երեկվա համատեղ քննարկումը կրթահամալիրում հաստատեց. միասին ճամփա ենք անցնում։ 

#2011