… ի խաւարի ստուերաց մահու. աւետի՜ս*։
Հյուսիսային պողոտային՝ իր սրճարաններով, ինչպես «Առագաստին», մեկ է, ես չեմ հարմարվում, բայց․․․ Մենթոր—տիարի աշխատանք է. երեկ ես իմ օրն սկսեցի հենց սրճարանում՝ ընդունելով աշխատանքային հանդիպման խմբի ղեկավար Աշոտ Ասլանյանի առաջարկը․․․ Թեյի—սուրճի սեղանի շուրջ հետաքրքիր—կարևոր խոսակցություն էր իրենց գործը լավ իմացող մասնագետների հետ, որ այնքա՜ն երկար տևեց, որ քիչ էր մնում ես ուշանայի կրթահամալիրի Արևմուտքի դպրոց—պարտեզի՝ իմ օրացույցում նշված ցուցադրություն—հանգանակությունից․․․ Այն տպավորիչ էր․ ա՛յ, սա իմն է․․․ դրսով—ներսով խնամքի, ապրիլյան զարթոնքի, ստեղծական կյանքի աշխույժի մեջ․․․ Կարևոր է, որ մինչև ապրիլի 12-ը այսպիսի՝ կանաչ անցումի—հրապարակի խնամք—մաքրություն հաստատվի ոչ միայն կրթահամալիրի շենքերում ու բակերում, այլև միջդպրոցային անցումներում բոլոր, մեր շրջակա միջավայրում․․․ Իսկ տեխնոլոգ Անուշ Դավթյանը, որ Արևմուտքում ունի լիարժեք ընդունելություն—հավանություն—աջակցություն՝ և՛ սովորողների ու մանկավարժական աշխատողների, որ ակնհայտ էր այս ճաշակի—ծավալի—ուրախ՝ մասնակցային ցուցադրություն—հանգանակությունից, և՛ ծնողների, որ շա՜տ էին ու ոգևորված իրենց երեխաների գործերով, նրանց հոգատարության կոնկրետ դրսևորմամբ, որին մասնակից էին իրենց նվիրատվությամբ․․․ Դրամական չափելի արտահայտությամբ երեկվա ցուցադրություն—հանգանակությունից Արևմուտքի համայնքը «Սեբաստացիներ» կրթական հիմնադրամին փոխանցեց 90.000 դրամ։ Սյուզի Մարգարյանը սա կանվաներ այցելուի հավասար մասնակցություն ստեղծական, տեխնոլոգիական, բազմաբնույթ ուսումնական գործունեությանը։ Կեցցե՛ք։
Սյուզի Մարգարյան տոնաստեղծն իր մասնակցությունը կարևոր—էական դարձնելու համար մի քանի օրում նաև ֆրանսերեն էր վարում Ավագ դպրոց—վարժարանի ֆրանսախոսների «Անկոտրում կանայք» համագործակցային նախագծով համերգը, որ Կարինե Թևոսյանի ու Լիլիթ Բլեյանի՝ պատմություն ստեղծող համագործակցության դիտարժան արդյունք էր․․․ Այսպիսի միջավայրի՝ այսպիսի լսարանով, կնախանձի ցանկացած արտասահման, որքան էլ որ Լիլիթ Բլեյանի ընտրությամբ ու Հյուսիսի հոգատարությամբ համերգը հենց կրթահամալիրի Արտասահմանում էր։ Իրենց ընտրած օտար լեզուների այսպիսի՝ միջավայրային գործունեությամբ մեր պատանիներն ավելի լայն ու կարևոր խնդիր են լուծում իրենց կյանքի համար։ Ապրիլյան զարթոնքի տրամադրությամբ բաժանվեցինք, երբ «Ձոն» ստուգատեսը թևակոխում է էստաֆետային շրջան․․․
Իսկակա՜ն Հարություն, սրան ուղղված՝ Ավագ շաբաթվա օրացույցով հեղինակային մանկավարժություն։ Կրապատ բներով ծառերի ապրիլյան զարթոնքը—ծաղկունքը՝ ծավալվող—շարունակական պարտիզապուրակային գործունեությամբ ընդգծում է Կրթական պարտեզը մեր բնակելի արվարձանում․․․ Այն կոնտրաստը չէ, որպես հակադրություն, որին ձգտել ենք․․․ Երբեք։ Իմ մտքում է հիմա հերթական խաղողի թառման՝ բնից կտրված, աղբի մեջ կորած, անմիտ ճաղերի—ցանցերի մեջ առած տարածքում, հենց մեդիակենտրոնի հարևանությամբ, Հյուսիս—Գեղարվեստի ճանապարհին․․․ Մեր պատանիները, Խաղողի և գինու դպրոցն իր հանրային նախագծային ուսուցման կազմակերպմամբ չեն կարող մենթոր տիարին իր այս անօգնական վիճակից չհանել։ Հանեք, խնդրում եմ։
#2031