Խաղաղ-գոհ Տիարի ողջ սիրով սեբաստացի յուրաքանչյուր պատանու, շրջանավարտի, ուսուցչի, դիմում եմ՝ պահանջելու պես։ Եկեք մեր պատանեկան դիմակահանդեսով ոչ թե դիմավորենք (համ դիմավորում ենք) ու ճանապարհենք՝ երկար, այլ հանդիպենք նորի-հնի Սուրբ Ծննդյանին՝ 2017-ի հունվարի 13-ին, ժամը՝ 18.00 Մարմարյա սրահում… Իմ որոշումն է, որ Թամար Աճեմյանն ու Հովհաննես Ամիրխանյանը հանդիսավոր կազմակերպիչ զույգը լինեն, և «Տիեզերք» բենդը, Կայ Խաչատրյանի երաժշտական լաբորատորիայի գործիքային խումբը, կինոյի-թատրոնի պետական ինստիտուտի «Սուրեն Պողոսյան և ընկերներ» խումբը, Քնարիկ Ներսիսյանի թատերական լաբորատորիան, Քոլեջի ծաղրածուները, Լուիզի պատանեկան վոկալը, Նելիի աղջկական երգչախումբը, «Կայծերն» ու «Կայծիկները» Ստեփանի-Ալեքսանդրի, Սյուզին՝ իր բոլոր տարիների շրջանավարտ երկրպագուներով, Վիեննայից վերադարձող Շուշանը Բլեյան՝ իր ընկերներով, ավագ դպրոցի բոլոր սովորողները… պատրաստվեն, գան հատուկ համարներով… համերգային-թատերական-հանդիսանքային… Աներևակայելի լույսեր-ձայներ-գույներ-հագուստներ ու տրամադրություն, որի նմանը չենք տեսել, քանզի չի եղել… Ես ստանձնում եմ պատասխանատվությունը ողջ. ասացի՝ ե՞ս… Այսպիսի որոշումները, այո, համաձայնությամբ են կայացվում՝ իմ, ձեր՝ Ավագ դպրոցի սովորողներ-ուսուցիչներ, Մարթա Ասատրյանի, իհարկե… ու կատարվում, կյանքի կոչվում… յուրաքանչյուրիս գործուն մասնակցությամբ: Իմ ասածը ոչ միայն դիմակներով մեր հանդեսին է վերաբերում, ծիսական-տոնական՝ ոչ սովորական, ուրիշ, այլ կրթահամալիրի Ավագ դպրոցում հասունացած փոփոխություններին: Եվ այս օրերի իմ գործերից գործը մինչև հունվարի 8 այս փոփոխությունների քննարկում-լուծում-կազմակերպումն անհատական նախագիծ-աշխատանք դարձնելն է. հիշե՛ք մի բան՝ ով հունվարի 8-31-ը գործեց անհատական հրապարակված պլանով-ռեժիմով, սեբաստացի է, ու… շնորհավոր Նոր տարի:

Համ էլ այսպես քննական շաբաթը կրթահամալիրում իր իրավունքների մեջ է, «Բոհեմ»-ը՝ մեր աջակցությամբ, Ազատության հրապարակի այսօրվա մեր տոնախմբությունը՝ Ամանորի, տոնական, ու Ավագ դպրոցը՝ բոլոր տարիների շրջանավարտ սեբաստացիներինը… իր ձեռքբերումներով ու հոգսերով՝ համատեղ լուծելի խնդիրներով…