Արևմտյան դպրոց-պարտեզի հարգելի հավաքանի, 3-1 դասարանի սիրելի սովորողներ և ծնողներ.

 Նորից առողջ մայրության ենք ճանապարհում Մարգարիտ Թամազյանին՝ 3-րդ սեբաստացուն մեզ պարգևելու: Ինչպես մեզանում ընդունված է, որպես նախապաշարում, նրան փոխարինողի մասին որոշումը չենք բարձրաձայնել մինչև այս պահը, դրա մասին նրա դիմելը։

 Հիմա մաղթում ենք հաջողություն Մարգարիտին իր կարևոր առաքելության մեջ, և ես, ահա, հրապարակում եմ Զարուհի Առաքելյանի առաջարկով քննարկված-համաձայնեցված մեր որոշումը։

Արևմտյան դպրոց-պարտեզի 3-1 դասարանում, որ«Իմացումի հրճվանք» ծրագրի ավարտական դասարան է,  2016թ. դեկտեմբերի 4-ից Մարգարիտին կփոխարինեն.

  • — բարձրագույն բանասիրական կրթությամբ Հռիփսիմե Գալստյանը` որպես մայրենիի ուսուցիչ և դասվար, 3-1-ում իրականացվող «Իմացումի հրճվանք» ծրագրի ղեկավար.
  • — մաթեմատիկա կդասավանդի Դպրոց-պարտեզի երկարացված օրվա կազմակերպիչ Վարսիկ Աթոյանը`  բարձրագույն ինժեներական կրթությամբ։

Հռիփսիմեին և Վարսիկին ծրագրային-մեթոդական (մենթորական) մշտական աջակցություն կցուցաբերեն Դպրոց-պարտեզի ղեկավար Զարուհի Առաքելյանը, Բաբկեն Փաշինյանը, Արմինե Աբրահամյանը, Սոֆյա Գրիգորյանը, Զարուհի Ոսկանյանը, Առնոլդ Միքայելյանը, մեզանից յուրաքանչյուրը. դրա կարիքը Հռիփսիմեն և Վարսիկը ամենաշատն ունեն։

Եկեք առցանց մի անգամ ևս  ծափահարենք Մարգարիտ Թամազյանին, ողջունենք Հռիփսիմե Գալստյանի, Վարսիկ Աթոյանի նորամուտը մեր առողջությամբ, առույգությամբ։
Հարգանքով` Աշոտ Բլեյան

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Explore More

Իմ այսօրը 1992 թվականի սեպտեմբերի 1-ին «Արև-արև, եկ-եկ» երգով սկսվեց

Տիար Բլեյան, բարև Ձեզ, ինչպե՞ս եք։ Ձեզ գրում է Ձեր սանը, ում Դուք 1992 թվականին հնարավորություն տվեցիք դառնալու «Մխիթար Սեբաստացի» կրթահամալիր-ընտանիքի փոքրիկ մաս: Երբեք չեմ մոռանա այդ օրը, երբ մայրիկիս

Ո՞ւր եք շտապում…

Որպեսզի հասկանալի լինի իմ շփոթմունքը, նախ՝ Ձեր ուշադրությունն եմ հրավիրում 2016-2017 ուստարվա 1-ին կիսամյակում կրթահամալիրում իրականացվող ուսումնական պարապմունքների միասնական ժամատախտակի վրա. շեշտում եմ՝ միասնական՝ կրթահամալիրով մեկ։ Այսօր «Սեբաստացիներ» երգչախմբին այցելելուց

Բոլորս՝ ընտրող, թե ընտրվող-թեկնածու, անելիք ունենք…

«Կրթական պարտեզ բնակելի արվարձանում» ուսումնական նախագիծը շարունակական է, իր պատմությունն ունի: