Իվետա Ջանազյանին և Գոհար Եղոյանին շնորհակալ եմ իմ օրվա գրին արձագանքելու և իրենց կոնկրետ ուսումնասիրությամբ տխուր իրողությունն արձանագրելու համար՝ Սևանա լճի ափին հուլիսին հանգստացողները գիրք չեն կարդում… Հուսանք, որ թղթի տպագրությամբ գիրք չեն կարդում, բայց էլեկտրոնային գիրք՝ ամենատարբեր կրիչների վրա, կարդում են, որը մեր սիրելի ուսումնասիրողները արձանագրել չէին կարող: Այս եզրակացությունը բարձրացնում է մեր կիրակնօրյա ընթերցարանի, մեր ինտելեկտուալների ակումբի, մեր գրադարանի ամառային ընթերցանության նախագծի, մեր կրտսեր դպրոցների լողափնյա ճամբարների, անհատ ծնողների և ուսուցիչների ջանքերը, կարևորում… Կեցցեք, ընթերցողների հաշիվը Հայաստանում, մեզանում հարյուրներով ու հազարներով չի գնում, այլ մեկիկ-մեկիկ… Շարունակեք խրախուսել ընթերցումը, ընթերցածի քննարկումը որպես կարևոր՝ մտածողության ակտեր… Տե՛ղ տվեք ընթերցողին ու ընթերցանությանը նաև «Ուսումնական ամառ» նախագծի բոլոր նախաձեռնություններով մեկ… Բոլոր կարգի ու տարիքի սեբաստացիներ, որտեղ էլ որ եք, սկսեք ընթերցումը որևէ ձևով՝ թղթե տպագիր թե էլեկտրոնային (որևէ կրիչով ձեր ձեռքին գտնվող)՝ վստահեք կրթահամալիրի գրադարանին, Հասմիկ Ղազարյանին ու Նունե Մովսիսյանին, mskh ֆիլմին… Լավ ֆիլմեր դիտեք… Եվ մարզական վիճակի մշտական պահպանման համար լսեք հին հույների խորհուրդը… «Եթե ուզում ես ուժեղ լինել՝ վազիր, ուզում ես գեղեցիկ լինել, վազիր, ուզում ես խելացի լինել` վազիր»։
Չե՞ք վստահում հին հույներին, այլընտրանք եմ առաջարկում՝ երեքը մեկում՝ վազքը, լողը և հեծանիվը… Իմ օրինակով հաստատեմ՝ փառահեղ միացություն է… Ես հուլիսին կարդացի ու դիտեցի, լողացի բոլոր տեսակի ջրերում, ամեն օր՝ սառը ցնցուղի տակ, անցա շատ ճանապարհներ՝ վարգով, վազքով, ոտքով թե հեծանվով… Հիմա էլ, երբ կկարդաք այս իմ գիրը կիրակնօրյա ու աչքի կանցկացնենք իմ հաստատած թեթև-օգտակար կիրակնօրյա ժանրի ընթերցանությունը, ես եղբորս՝ Ստեփանի հետ կլինեմ Զիկատարում, Մարթա Ասատրյանի հիմնած սեբաստացիական-բնապահպանական միջազգային ճամբարում…
Լուսանկարները` Դավիթ Խալաթյանի:
Կիրակնօրյա ընթերցանություն
- Ջուրն էներգիայի գլխավոր աղբյուրն է
- Ստեղծվել է մոլորակի ամենածույլ վրանը
- Վազել սկսելու 9-ը պատճառ
- Ինչպես առանց օդորակիչի հովացնել բնակարանը
- Կոլիզեումը 3 օրով թատրոնի կվերածվի
- Հայաստանի համար բացված նոր ճանապարհը
- Արագ հանգստանալու 7 միջոց
- 5 մթերք, որն այրում է ճարպը
- Հեռուստացույց դիտելու երեխաների հակվածությունը խանգարում է նրանց հաղորդակցական հմտությունների զարգացմանը
Դավիթը կիրակնօրյա տնային հոգսերով է զբաղված:
Լուսանկարները` Արմինե Աբրահամյանի:
