Թեթև, օգտակար, աշխատանքային էր մեր այցը Գագարին պրոյեկտի Զովաբեր, Դդմաշեն գյուղեր, դպրոցներում մանկավարժական հավաքանիների հետ հանդիպումները՝ կարևոր—ճանաչողական․․․Պրոյեկտով գործընկերության մեր կենդանի աշխատանքների սկիզբը հաջողությամբ դրվեց, և սա, իհարկե, խմբով՝ մեր նոր ընկեր Արմենուհի Վանոյանով, Զառա Առաքելյանով, Էլյա Սահակյանով, Ջուլի Սիմոնյանով էր պայմանավորված․․․ Սիրելի մարդիկ, հետաքրքրված գործընկերներ․․․ 

Իսկ Զովաբերը կպած է Հրազդան քաղաքին, Զովաբերից Դդմաշեն էլ՝ ոնց որ Մայր դպրոցից գնաս Հարավ կամ Արևմուտք կրթահամալիրի Բանգլադեշի․․․ Մարտի Ծառզարդար կրթական պարտեզում, մանկավարժական ճամբարի օրերին, կկայանան մեր մյուս այցելությունները Գագարին ավան, Դդմաշենի հարևան Ծաղկունք, սրանից ոչ հեռու Գեղամավան, կպած՝ Վարսեր գյուղեր․․․ Գործի հաջողությունը որոշելու են, պայմանավորված է, սրան զուգահեռ ու հաջորդող՝ Բլեյան կրթական ցանցով սեբաստացի մանկավարժական անհատների, խմբերի հետ նախագծային—նախաձեռնողական աշխատանքները․․․ առցանց ու առկա միջավայրերում․․․ Մանկավարժական ակումբի օրինակով, որ ներկայացված է Արմինե Թոփչյանի  այս 20 րոպեանոց տեսանյութով․․․ 

Ետդարձի ճանապարհին աղջիկները ներկայացնում էին իրենց առաջիկա անելիք—մտածումները։ Մենթոր տիարի կեցցեք—ը ձեզ, սիրելինե՛ր։ 

Ես պիտի հասցնեի դեռ հանդիպել Արևիկ Համբարձումյանի հետ Լոֆթ—ում, մասնակցել Ֆակտոր TV—ում Աննա Բաբաջանյանի հեղինակային հաղորդմանը, հետո Արմինեի, Դավթի ու Աստղիկի հետ այցելել Տիգրան Հայրապետյանի մայրիկին՝ Ֆրիդա տատիկին, մարտի 18-ի՝ մեր Տիգրանի ծննդյան օրվա հետ կապված համաձայնությունների գալ, որքան էլ Դավիթն ու Աստղիկն իրենց տատիկին իրենց անսպասելիությամբ շփոթեցնում էին․․․ Իսկ տատիկը մեր ավելի ու ավելի դժվար է շարժվում, ավելի անօգնական ներկայանում․․․ Հասարակագիտական ստուգատեսով, սեբաստացի օրացույցով մարտի 18-ը բաց—հանրապետական հավաք ունի՝ նվիրված մեր լավ բարեկամ, իմ ընկեր, տաղանդավոր միջազգայնագետ—հրապարակախոս Տիգրան Հայրապետյանի պայծառ հիշատակին, որի նշումն արդեն 16 տարի այս գործի կարևորության գիտակցումով, որպես ուսումնական նախագծային աշխատանք ենք կատարում։ 

Առաջիկա օրերին շաբաթվա իմ մենթորական աշխատանքների կիզակետում «Կրթական պարտեզ» նախագծով կրթահամալիրի դպրոցների—քոլեջի, ուսումնական կենտրոնների աշխատանքներն են, Դավիթ Քոչունց համակարգողին աջակցելը․․․ Գարունը շլացուցիչ իր իրավունքներով մեզ ժամանակ չի թողնում, Սուսան Մարկոսյանը որոշել—հրապարակել է մարտի 22-27-ի աշխատանքները, իսկ ես որոշել եմ ձեզանից յուրաքանչյուրին, սեբաստացի անհատ—խումբ—նախաձեռնող, օգտակար լինել ձեր պարտիզապուրակային—երկրագործական—միջավայրային կանաչ լուծումներում․․․ Մենք ունենք Երևանում և Արատեսում, մեր շրջակա միջավայրում տարատարիք սովորողների—մանկավարժական աշխատողների աշխատանքային ջոկատների գործունեության այսպիսի փորձ․․․ Արևիկ Ներսիսյանի ութերորդցիների որոշումը՝ Զանգվի Սեյրան Ավագյանի բարձունքից մինչև մերձակա քարանձավ—աղբյուրի մաքրելու, ցուցանակներ տեղադրելու (ավելացնում եմ հիմա իմ կողմից, տիարի իրավունքով), ավագ դպրոց—վարժարանի «Ցտեսություն» նախագծի խմբով «Արտմիջավայր» նախագծի ստեղծագործական հավաքների սկսումը, Գագարին պրոյեկտի դպրոցների հետ համատեղ բնապահպանական—կանաչող աշխատանքներ․․․ խոստացված հեծանվային անցումներ․․․ 

Երգի այս տողերը, որ հիմա Աստղիկ Բլեյանը Սեդա Թևանյան երաժշտի միջոցով յուրացնում է (մենք տեսանք—լսեցինք), մեր ճանապարհին էր Չարենցավանից սկսած․․․ Ի՜նչ պատկերներ կան մեր երգերում․․․ Զրնգում է մայրենին․․․ Ջան, գարուն է, գարուն է․․․ 

#2015