Կարդո՞ւմ եք, կիրառո՞ւմ եք իմ խնամքով կազմած օրագրային ընթերցարանները, գործածո՞ւմ եք: Ինձ պարբերաբար Սուսան Մարկոսյանն է ոգևորում շարունակելու կիրակնօրյա ընթերցանության համար նախատեսված այսպիսի մեդիաժողովածուն…
Քրիստոս յարեաւ ի մեռելոց, և Քրիստոս մեր մե՞ջ է` հարցնում եմ, իր հարությամբ… Նունե Մովսիսյանի «Հայկական կակաչ» բլոգը՝ իր ծիսական բաժնով յուրահատուկ-կարևոր ընթերցարան է ինձ համար: Ահա այսօր էլ իմ կիրակին սկսեցի «Գունագեղ կիրակիների» շրջանից Աշխարհամատուռի կամ Կանաչ կիրակիի մասին ընթերցմամբ, նրա խորհրդի` իմ լավ բարեկամ Շահե Աբեղա Անանյանի տեսաներկայացմամբ: Շնորհակալ եմ: Ականջդ կանչի, Արթուր Բախտամյան, քո «Հայոց հարց» հեռուստանախագծով, նրա պարբերականությամբ ու բարձր մասնագիտական կազմով, քննարկվող հարցերի տարողունակությամբ, որ բերդի-մեկուսացման շրջանի պես մի բան դարձավ ինձ համար` իմ աշխատանքից, առօրյայից դուրս կարդալու, ուսումնասիրելու, ճանաչելու համար…Շարքը շուտով կարող եք տեսնել նաև իմ բլոգում, հիշել, թարմացնել….
Կիրակնօրյա ընթերցարան է եղել և մնում «Շողակն»-ը. Անի Ջանոյան, ինձ էլ, ինչպես քեզ, թվում է, որ Համո Սահյանի բանաստեղծությունները ջրի պես մաքրում են աշխարհն ու մեզ: Ընտրածդ բանաստեղծությունը կարծես Համոյի ինքնադիմանկարը լինի… Ես որ հաճույքով նայեցի մեր ֆիլմադարանի «Քարափներից երկինք» տեսաֆիլմը: Հուզեց ինձ մեր միջին դպրոցի 8-րդ դասարանի սովորող Աշոտ Զաքարյանի կենդանի մուտքը. Մարգարիտ Հարությունյան, տես` ուսումնական ճամփորդությունն ինչպես է կենսափորձ հաղորդում, ինչքան է հասունացնում 7-8-րդ դասարանի սովորողներին…
Գեղարվեստի կրտսեր դպրոցի սովորողների ճամփորդությունից Մուղնի, Օհանավանք, Սաղմոսավանք:
Լուսանկարները` Դիանա Գևորգյանի:
Բարի ընթերցում
- Երաժշտությունն ակտիվացնում է ուսուցման գենը: Ես չեմ դադարի հօգուտ երաժշտության փաստարկներ բերելուց: Խնդրեմ՝ նաև գիտական ուսումնասիրություն… Երաժշտական մայրենին՝ ինչպես խոսքային մայրենին, ընտանեկան կրթության-զարգացման անփոխարինելի գործիք-միջոց և միջավայր են:
Ո՞վ է պատվիրատուն, եթե ոչ հայ մարդը, անհատը՝ իր ստեղծած ազատ ընտանիքով ու առաջադիմության սեբաստացիական դպրոցով… - 10 տեսություն, որոնք կարող են փոխել հաջողության մասին ձեր պատկերացումները… Փոխե՛ք հաջողության մասին ձեր պատկերացումները… Չգիտեի՞ք, իմացեք, կարդացե՛ք: Սկսե՛ք փոխել:
- 5 բան, որ պետք է իմանալ կրկնակզակից ազատվելու համար: Համարեք, որ սա վերաբերվում է ձեզ հայտնի մի փոքր սիրելի խմբի…
- Ինչո՞ւ է անհրաժեշտ ամեն օր վարսակի շիլա ուտել: Մեդիակենտրոնում մենք՝ ես իմ աշխատակազմով, հենց դրանով էլ ընդմիջումներին զբաղված ենք՝ վարսակի շիլա ուտելով. իմացե՛ք՝ ինչու: Էժան, հարմար, օգտակար:
- ճարտարապետական վառ լուծումներ, որոնք միշտ լավ տրամադրություն են պարգևում: Մեր միջավայրը, նաև կրթական ուղիղ կապ ունի մեր տրամադրության հետ. Ճարտարապետական վառ լուծումների 2015 տարի բոլորիս:
- Շոկոլադը՝ նիհարելու համար և շաքարախտի դեմ լավագույն մթերք: Չասե՛ք, որ միակողմանի եմ: Ես ու Մանուչարյան Աշոտը միշտ էլ լավ շոկոլադի սիրահարներ ենք եղել և մնում:
- 10 զարմանահրաշ հյուրանոցներ, որտեղ արժե այցելել: Որ սեբաստացու ոտքը 2015-ին կկոխի այս զարմանահրաշքների շեմը… Սկսեցինք:
- Եվրոպայի ամենագեղեցիկ եկեղեցիներն ու տաճարները: Աշխարհ անցիր, էժան ու գրավիչ ճամփորդությունը տնօրենի օրակարգում է. Ի՞նչ առաջարկ ունեք, սեբաստացիներ բոլոր տարիքի, որտեղ էլ որ եք…
- Շարլ Ազնավուրի այս հարցազրույցը առաջարկում եմ այս առանց մեկնաբանության: Ազնավուր է, չէ՞, ի˜նչ մեկնաբանես, և ով մեկնաբանի, եթե ոչ դու ընթերցող: Հատկապես, որ վարպետի խոսքը քեզ էլ ուղղված է:
- Գազարի 7 օգտակար հատկությունները: Գազարն իմ թուլությունն է, պարզվում է և Էմանուել Ագջոյանի՝ Հանրակրթական էկոտուր 2015-ի ղեկավարի… Ինչ էլ հեշտ է աճում-շատանում: Սկսենք բոլոր դպրոցական բակերում գազարի, դդմի և ելակի տարածքներ առանձնացնել: Ինչո՞ւ պիտի չստացվի, երբ խնամքը, հողը, ջուր և արևը միասին են:
Տեսնո՞ւմ եք` «Երկրագործությունը որպես ուղիղ ճանապարհ»-ը չեմ հաղթահարում: «Կենդանության նվիրված այս փոքրիկ գործի ճակատը կենդանի մարդերին անունով ցանկացա պսակել և այս խորհրդով ձեզ ընծայեցի…»: Պատկերացրեք, որ այս տողերը Միքայել Նալբանդյանի երկի՝ ինձ հիացնող առաջաբանից է:
Շուշան Բլեյանն իր ՖԲ էջում ամփոփում է զատկական արձակուրդի ճամփորդությունը:
