«Ուղղակի անկեղծ» շարքը պատումի իմ բլոգում ընդհատվեց, ինչպես սեպտեմբերի 27-ի պատերազմով շատ գործեր ընդհատվեցին շատերիս կյանքում։ Շարունակում եմ։ Շնորհակալ եմ Սուսան Մարկոսյանին, Զառա Առաքելյանին, Քնարիկ Ներսիսյանին՝ իմ նախաձեռնությամբ 1992թ—ի նոյեմբերին ստեղծված «Նոր ուղի» հասարակական—քաղաքական կազմակերպության, նրա ղեկավարի՝ իմ 1992-2000թթ գործունեությունը Հայաստանի, Արցախի, հայերի համար դրամատիկ այս փուլում կարևորելու, քաղաքական կազմակերպության 1992թ. ծրագիրը, 1998թ. ՀՀ նախագահի արտակարգ ընտրությունում ՀՀ նախագահի թեկնածու Աշոտ Բլեյանի քաղաքական նախընտրական ծրագիրը շրջանառելու համար։ Հասանելի էր երեկ՝ շնորհիվ իմ հրապարակային գործունեության, հասանելի է հիմա՝ շնորհիվ իմ բլոգի մատչելիության։
Այս ընթացքում սերունդ է փոխվել, ծանր կորուստներով, իր փորձառությամբ հասունացել, ժամանակը ողբերգությամբ, պարտադրում է անդրադառնալ մեր նորագույն պատմության անկախ պետականության 1991թ. սկսվող շրջանին, քաղաքական անցուդարձի ամբողջական փաստերի վրա հիմնված իրատես հայացքի համար։ Միշտ շնորհակալ եմ պատմաբան, պետական քաղաքական գործիչ Կտրիճ Սարդարյանին՝ քաղաքական գործունեություն իմ 1989թ. մուտքի մենթորության համար։
Կարդացեք, շնորհակալությամբ կարձագանքեմ։
#1900