Շաքարը, ճնշումը, ջերմաստիճանը, սատուրացիան այս օրերին ձեզ ծանոթ հովվերգության մեջ՝ որպես էսկարդ…
Ոչ մի անհանգստացնող բան, պրոցեդուրաները՝ իրենց ընթացքով:
Կարևոր է, որ տիար Գևորգն ամբողջ օրն անցկացրեց առանց թթվածնի բալոնի։
Իմ սատուրացիան 96-97, Գևորգինը՝ 94-95 առանց թթվածնի ապարատի ու արտաքինից նկատելի դրական փոփոխությամբ։ Վաղը—մյուս օրը հետազոտությունների վճռական շրջան է։ Այս չափումներին ավելացրեք իսկական էսկարդ, որը խմում ենք քնելուց առաջ, որովհետև ուզում ենք պատրատ վիճակի լինենք մեր բուժանձնակազմի նման։
Շուշանն իր խոստումը կատարեց. ընկերներով հավաքվել էին Աշոտ—Լուսինեի Վիեննայի բնակարանում, որը գեղատեսիլ վայրում է՝ Դանուբ գետի ափին, և Շուշանը հայրիկին, էլի որպես արդեն վիեննական էսկարդ, ուղարկեց Դանուբի զովաբեր շունչը։ Մնում է մյուս խոստումը. վաղը Շուշանը պարապմունքի է և խոստացել է տիար Գևորգին և ինձ պարուրել իր նոր հոգևոր երաժշտությամբ։ Այսպես բոլորս պատրաստվում ենք վաղը—մյուս օրվա իրադարձություններին։
Բարի, խաղաղ գիշեր բոլորիս։
#2042
