Հունիսյան ուսումնական ճամբարների հարգելի ղեկավարներ, մասնակիցներ, ճամբարների գործունեությունն այսօր մեկնարկեց։ Լավ է, որ կրթահամալիրի Գեղարվեստի ղեկավար Քնարիկ Ներսիսյանը, որ նաև պատանեկան աշխատանքի ճամբարի Գեղարվեստի ջոկատի հրամանատարն է, հունիսի 13-17-ի Բանգլադեշյան պլեների թատերական փառատոնի պատասխանատուն, իր փոխարեն Գեղարվեստի 1-5-րդ դասարանցիների ճամբարի կազմակերպիչ առաջարկում է նշանակել Ռիմա Երեմյանին։ Իհարկե։
Ճամբարների պաշտոնական բացումը, ինչպես նախորդ տարիներին, հունիսի 1-ին է՝ Երեխաների պաշտպանության միջազգային օրը։ Մեր ճամբարը՝ լավագույն նվեր սեբաստացի երեխաներին, քաղաքի ու հանրապետության՝ նրանց հասակակիցներին, եթե հասան։
Արդյունավետ օգտագործենք այսօրն ու վաղը՝ կարգի բերելու մեր լողավազաններն ու լողափերը, երկու օրվա արդյունքներով ամբողջացնելու միջավայրը, ճամբարային նախագծերն ու աշխատակարգերը։ Ինչպես մասնակցեց առաջին օրը յուրաքանչյուր սովորող և աշխատող. ով չմասնակցեց և ինչու։ Քանի որ խոսում ենք ամենասեբաստացիական հունիսյան նախագծերը ոչ միայն սեբաստացի հաստատվելու-շարունակելու հիմք, այլ նաև բաժանման… Գլուխ պահողներ չենք հանդուրժելու. գնացողը գնում է, մնացողը տեսանելի է դառնում՝ որպես հեղինակային կրթական ծրագրի հեղինակ։
Ճամբարային ընդհանուր պարապմունքը հերթապահ-սովորական լինել չի կարող։ Ճամբարում օրն սկսում են տողանով, որ կարող է և ավելի երկար տևել՝ 20-30 րոպե, բովանդակությունն էլ՝ ճամբարի օրով որոշված շեշտադրումներով, ճամբարական երգուպարով, նախաձեռնություններով,ճամբարի ղեկավարի դիտարկումներով… Ամեն օր ուշադրության կենտրոնում չեն կարող չլինել հաճախումները, ճամբարի արդյունավետության ցուցանիշները։
Աշխատանքի պատանեկան ճամբարի ջոկատները կարող են առաջանալ, գործել միայն հաստատված աշխատակարգով։ Մյուսները ճամբարային աշխատանքային նախաձեռնություններ են, իհարկե, կարևոր, ամենայն աջակցության արժանի, բայց աշխատանքային ջոկատների անդամները աշխատողներ են՝ կրթահամալիրի հետ աշխատանքային հարաբերություններով։ Ուրախ եմ, որ Ավագ դպրոցի մի խումբ սովորողների հետ, Մարթա Ասատրյանի նախաձեռնությամբ, վաղը հանդիպելու ենք՝ իրենց աշխատանքային ջոկատում ընդգրկելու։
