Այսպես եղավ. հայրենագիտական-համերգային շրջագայությունից շաբաթ օրվա թրջված-տպավորված, վրաց մեր ընկերներին Ալափարսի եկեղեցուց ճանապարհած` ինձ ուրիշ փորձություն էր սպասվում տանը… Մեր առյուծ տղան հասցրել էր «հոշոտել» ատամնացավից խեղճացած Արմինե մայրիկին ու դարանակալած սպասում էր բիզոն-բույվոլ (ո՞րն է սրա հայերենը), թե վայրի ցուլ հայրիկին… Իսկական զոհ դարձա մինչև կեսգիշեր. երբ բոլոր օյիններն առյուծն արդեն խաղացել էր, լողացել, հիմա էլ մայրիկը հասավ ինձ օգնության…
Դավթի կառուցած աշխարհ:
Լուսանկարները` Արմինե Աբրահամյանի:
Իսկ կիրակին ես դիմավորում եմ Այգեստանի «Բասս» հյուրանոցում, Միջազգային կլոր սեղանին, որ նվիրված է տարածաշրջանում փակուղու հաղթահարմանը: Իմ կրտսեր բարեկամ` «Ալիք»-ի խմբագիր Արսեն Խառատյանի հրավերով, ես ինձ սիրելի ծանոթ-անծանոթ երիտասարդ մարդկանց մտավոր գրոհի ուղեծրում եմ… Փորձում եմ օգտակար լինել ու հասցնում եմ իմ օրագրի կիրակնօրյա նոր մոդել կառուցել. շնորհակալ եմ Զառային, Սուսանին Մարկոսյան, Արմինեին Աբրահամյան` իմ բլոգի կամավորներին…
Այսօրվա Թուրքիային նվիրված իմ առաջարկները թող ցրեն կասկածն իմ օրագրի ընթերցողների… ես հետևողական լայնախոհության իրագործման տարածք եմ պահում իմ բլոգը, երբ խոսքը վերաբերվում է իմ քաղաքական, թե կրթական հայացքներին…
Կիրակնօրյա ընթերցարան
- Մահվան հովիտը 10 տարվա մեջ առաջին անգամ ծաղկել է
- Թուրքիան վերապրում է հանրապետության պատմության մեջ ամենաբարդ օրերից մեկը
- Քանդվում է Երևանի ևս մեկ «սարայ»
- Բանա՞կ, թե՞ «մսաղաց»
- 10 բան, որոնք խլում են ձեր ուժերը
- Թուրք նախկին նախարարը Էրդողանին հիշեցրել է…
- Գիտելիքի գլխավոր թշնամին…
- Տարվա ժամանակակից հայ հեղինակը
Մեր արթուն պահակ Ռոքսին, մեր նոր շնիկը և մեր բադերի ձուն:
Լուսանկարները` Լուսինե Աբրահամյանի:
Սուսան Հովհաննիսյանը, Մարի Գաբանյանի, Տաթև Բլեյանի աջակցությամբ, շարունակում է թվայնացնել իմ ցաքուցրիվ արխիվի պատառիկները… Ծանոթացեք իմ բլոգի «Ընթերցարանում», ընդունեք որպես կիրակնօրյա իմ օրագրի ընթերցարանի բաղկացուցիչը… Ես շտապում եմ Կլոր սեղանի եզրափակիչ փուլին…
[youtube https://www.youtube.com/watch?v=I5egAFm1zRI?rel=0&controls=0&showinfo=0][youtube https://www.youtube.com/watch?v=fGRmNN6Clxo?rel=0&controls=0&showinfo=0]
Սա մեր «Սեբաստացիներ» երգչախմբի` 2016-ի ամենամսյա 2-րդ շրջագայություն-համերգից է (տեսանյութերը` Նաիրա Նիկողոսյանի): Շատ դժվարին, առանց չափազանցության, երգչախմբի ելույթների համար ոչ մարդկային պայմաններ ունեն չջեռուցվող մեր եկեղեցիները: Եվ մեր երգեցիկ հավաքանին` իր մաեստրոյի և իր ավագ Արմինե Թոփչյանի հետ իսկական վարկանիշավորում անցավ` ցուցաբերելով նախանձելի տոկունություն և համերաշխություն: Այս մասին` իմ վաղվա գրում…
Գարդենիա ակումբի ծաղկաշարը:
Լուսանկարները` Արփի Սահակյանի:
Ֆոտոխմբագիր` Արփի Սահակյան
#590