- Ավստրալիայի գիտնականները պարզել են, որ ստեղծագործական ազատություն և հատուկ հմտություններ պահանջող աշխատանքը մարդուն օգնում է նիհարել, իսկ մեծ թվով որոշումներ ընդունելու անհրաժեշտությունը նպաստում է գիրանալուն: Քանի որ գիրացումը, ցավոք, շարունակում է մնալ առաջնային մտահոգություն, կիրակնօրյա գրի վերնագիրն ընտրվեց ինքն իրեն:
- Վատիկանում զբոսաշրջիկների համար բացել են աշխարհում ամենակարճ երկաթուղին… ավելի կարճ, քան Երևանի մանկական երկաթուղի՞ն… Եվ լավ են արել: «Մխիթար Սեբաստացի» մրցանակակիրներն առաջիկայում կլինեն տեղում, կտեսնեն, կչափեն, կգան կպատմեն… Նրանց մրցանակն այդպիսի հնարավորություն տալիս է։ Իսկ «Մխիթար Սեբաստացի» 2016-ի մրցանակակիրը կորոշվի, անունը կհրապարակվի նոյեմբերի 9-ի մասնաժողովում…
Դպրոց-պարտեզի 2-4 տարեկանների խումբ, քնաթաթախիկներ:
Լուսանկարները՝ Կարինե Խառատյանի:
- Սրանք, ըստ մասնագետների, ամենաօգտակար հինգ ճարպոտ մթերքներն են. բոլորն էլ սիրում եմ-գործածում եմ ավանդույթի փոխարեն՝ ձիթապտուղն ու իր յուղը: Ի՜նչ լավ է, որ սրանք ոչ միայն օգտակար են, այլև, նույնիսկ, նպաստում են քաշի նվազեցմանը՝ ըստ մասնագետների, իհարկե:
- Այնպես չէ, որ բոլոր պաղեստինցիներն ու իսրայելցիները թշնամանքին, մեկուսացմանը այլընտրանք չեն տեսնում։ Հազարավոր իսրայելցիներ դուրս են եկել՝ պահանջելով բանակցություններ սկսել պաղեստինցիների հետ: Կարդացեˊք, ահա:
- Երեք ծխողներից երկուսը մահանում են՝ ծխելու հետևանքով:
- Սովորական մկրատով ուղտերի սապատներին արված ցնցող նախշազարդեր:
- Սիդնեյում ծովի մոտ բացվել է քանդակների ցուցադրություն:
- Թուրինջ՝ մեղրով ու կոճապղպեղով: Ընթերցողներից ո՞վ ինձ կհյուրասիրի այս անուշով։
- Երջանիկ ամուսնության բանալին չասենք, բայց որ երախտագիտության խոսքերը, տեղին-սրտանց միմյանց շնորհակալ լինելը, կարևոր են, առանց գիտնականների էլ սեփական կենսափորձով հաստատված բաներ են։ Եվ որքա՜ն պարզ են կիրառման համար։
- Իսկ Իրանի ճանապարհի վերջին խոչընդոտն էլ է հանվել. հայաստանցիներս մուտքի 30-օրյա արտոնագիր կարող ենք ստանալ Իրանի օդանավակայանում։
Աշունը Նոր դպրոցում. այգու բնակիչները:
Լուսանկարները՝ Նունե Խաչիկօղլյանի:
- Դդումը արվեստի մաս… Մե՛կ նայում եմ մեծ ու փոքր վիրտուալ աշխատանքներն այս, որ ներկայացված են Նյու Յորքում Հելոուինին նվիրված ամենամյա տոնին, մե՛կ մեր կրթահամալիրի օրացույցին՝ «Ղափամա», ո՞ւր ես, 2016թ. փետրվարին, Հանրակրթական Դիջիթեքին… Ուզում էի տնօրենի զորությամբ հարիսայի ու ղափամայի տեղերը փոխել, բայց անակնկալի եկա՝ Գեղարվեստի դպրոցում երկու տարեկանից սկսած՝ Հարիսայի ծեսին նախորդող թթուդրեքի ծեսն են սկսել...
- Աշխարհի քսան ամենաէկզոտիկ մրգերը
- 40 տարեկանից հետո պետք է ուտել ավելի քիչ, քան ցանկանում են. այդ ժամանակ մարդու հագենալու զգացողությունը բթանում է, նա չի գիտակցում, որ արդեն շատ է կերել….
- 2015-ի լավագույն համայնապատկերային լուսանկարները
- Օրական մեկ բաժակ գազարի հյութը զգալիորեն բարձրացնում է իմունիտետը…
Նորից մեդիայում Վրաստանն է պարբերաբար հիշատակվում…
- Թբիլիսյան 18-րդ միջազգային ջազ փառատոնով, որը բացելու է «Գրեմմիի» հնգակի դափնեկիր Դայանա Կրոլը։
- Ազատ առևտրի վերաբերյալ Վրաստանը և Չինաստանը բանակցում են համաձայնագիր ստորագրելու համար։ Եթե սա կայանա, Վրաստանը կդառնա մայրցամաքի միակ երկիրը, որը Չինաստանի հետ ազատ առևտրի մասին պայմանագիր ունի…
- Ֆրանսիացի մասնագետները կօգնեն Վրաստանի օդային տիրույթի պաշտպանությանը…
Նոր դպրոցի 2-4 տարեկանների ուսումնահայրենագիտական ճամփորդություն Արարատի մարզ՝ լավաշ թխելու:
Լուսանկարները՝ Նելի Արղության:
Իսկ Ռուսաստանի կառավարությունը համաձայնություն է տվել Հայաստանի հետ համատեղ հակաօդային պաշտպանության համակարգի ստեղծմանը։
Ֆոտոխմբագիր՝ Անահիտ Գևորգյան
#484
