Զուլում շաբաթ էր. հաղթահարեցինք ես՝ վաթսուն տարեկան հետևողական-սրընթաց գլորվողի, Դավիթ Բլեյանը 3 տարեկան 3 ամսական դարձածի հերթական շաբաթը… Արմինեն է ծանր տանում. ինչո՞ւ. երբ տարին իսկի գարունն էլ չի ճանապարհել:
Առիթը լավ օգտագործեցի՝ «Samsung» նշանավոր գործիքով ոսկորներիս, կմախքային կառուցվածքիս ու թոքերիս երիտասարդությունը ցուցադրելու համար. իսկական բլոգում հրապարակելու պատկերներ-տեսարաններ… «Գժությո˜ւն»,- կասի Նազենի աստղ Հովհաննիսյանը, երբ տեսնի քեռու 25 տարեկան թոքերի ու 40-ը չգերազանցող ոսկրերի պատկերները… Առողջ ենք 2015-ի բեկումը խոստացած երաշխավորելու համար՝ անկախ Հունաստան-Գերմանիա, Ռուսաստան-Արևմուտք, Իսլամական պետություն-ալամ աշխարհ հակամարտությունների ընթացքից…
Լրագրողի զարմանքից առաջացած հարցին, երբ իմացավ իմ 60 տարեկան դառնալը… «Ո՞ր շրջանն եք ձեր կյանքի ամենաբեղունը համարում…»,- լսեցե՛ք ճշմարիտ պատասխանը.
— Վաթսունից սկսվողն իմ ամենաշրջանն է… Հաստա՛տ:
Խաղաղ կիրակի է. մեր պայմանավորված ընթերցարանը սիրով մեկնում եմ. սկսե՛ք թերթել… Նույն սկզբունքն է` հաստատ անվնաս խորհուրդներով, դրական զգացումներով, հաջողակ երկուշաբթիի սպասումներով… 10-ի չափ հղումներով, դադարներով, անցումներով:
- Աուտիզմը կապված է ինտելեկտի բարձր մակարդակի հետ: …Գիտափորձի արդյունքները ցույց են տվել, որ ինտելեկտը որոշող թեստերում աուտիզմի հետ կապված գեներ ունեցող մարդիկ ավելի բարձր մտավոր ունակություններ են ցուցաբերել, քան «սովորական» մարդիկ:
- Սթիվեն Հոքինգն ու Դևիդ Աթենբորոն Օքսֆորդում հանճարեղ անձնավորությունների մասին ցուցահանդես են բացել: «Այստեղ ներկայացված աշխատանքները, անխոս, ստեղծվել են հանճարների կողմից։ Հուսով եմ՝ շատերը կցանկանան այցելել այս ցուցահանդեսը ոչ միայն ընդհանուր հետաքրքրությունից, այլև որպես ներշնչանքի աղբյուր որպեսզի հետագայում իրենք ինքները փորձեն ինչ-որ հանճարեղ բան ստեղծել»,- նշել է Հոքինգը։
- Հնդկաստանում հուշաթերթիկների գործով 300 մարդ է ձերբակալվել: Ձերբակալվածներից շատերը դպրոցականների ծնողներն են. ավելի քան 750 հոգի արդեն դուրս է մնացել դպրոցից…
- Կիտրոնով ջուր խմելու առավելությունները: Տեսեք` յոթ օգուտ և ոչ մի վնաս:
- Ամենացավոտ խայթոցներն ունեցող միջատների թոփ տասնյակ: Միջատը կարող է խայթել՝ ձեր մեջ վտանգ տեսնելով…
Ֆոտոգովազդային ընդմիջում.
Մանուշակ Աբրահամյանի 2-րդ դասարանցիները կարտոֆիլանկարչություն են անում:
- Հիասքանչ Մոն Սեն Միշել քաղաքը: Պատմական Մոն Սեն Միշել քաղաքը տարեկան տասնյակ հազարավոր այցելուներ է ունենում…
- Համեմունք, որն օգնում է քաշը կորցնել 3 անգամ ավելի արագ: Ձեր օրակարգում ավելացրեք չամանը…
- Գլխացավի դեմ բնական միջոց. աղի լիմոնադ: Գլխացավի ժամանակ շատերն անմիջապես դիմում են դեղահաբերի օգնությանը: Դեղահաբերը որքան օգնում են, նույնքան էլ վնասում են…
- Կանացի հանրագիտարան ըստ Ռեգինա Բրետի. «Սեքսում կարևորագույն օրգանն ուղեղն է»: Եթե կասկածում ես՝ ևս մեկ քայլ առաջ արա։
- Ադրբեջանի, Թուրքիայի և Վրաստանի նախագահները մասնակցել են TANAP-ի բացմանը…
Շաբաթը պիտի Տիգրան Հայրապետյանինը լիներ ու այդպես էլ եղավ՝ նշանավոր իր ծննդյան օրով, հասարակագիտական ստուգատեսով ու սրանց բերած ուսումնական-հասարակական աշխույժով. լավ շաբաթ էր: Շողիկ Պողոսյանը իր ծննդյան օրը դարձրեց առիթ, «Ծաղկաձոն» ստուգատեսով դարձավ ամենագրավիչ սեբաստացին: Շաբաթը իրենով արեց Շողիկը: Ասենք` շնորհավո՜ր:
Շաբաթվա հերոս դարձավ մեր հմայիչ, ժպտերես Գոհար Բալջյանը` հասարակությանը ներկայանալով իր ընտրյալ Տիգրանով՝ որպես մեկ: Ասենք` շնորհավո՜ր: