Հարգելի տիար Բլեյան.
Հոկտեմբերի 13-ին ուսումնական օրացույցով Ավագ դպրոցի մեդիաուրբաթ-համերգն է: Նույն օրվա Գյումրու համերգում ընդգրկված են բոլոր երաժիշտ դասավանդողները: Այս մասին Ձեզ հետ բանավոր խոսել էի. խնդրում եմ, հնարավորության դեպքում, Մեդիաուրբաթը տեղափոխենք հինգշաբթի: Նախապես շնորհակալ եմ:
Հարգանքով՝ Մարթա
Մարթա Ասատրյանը կարևոր առաջարկ է անում։
Բացի Գյումրու ընդգրկուն նախագծից, ունենք նաև Ջավախքի Թմբկաբերդի բարձունքի նվաճում՝ Ասպինձայի Դամալայով, Թբիլիսիի երկու նախագծերը՝ պատանի հնագետների և «Նկարում ենք Փիրոսմանի» ցուցադրության, Թբիլիսի Գլդանիի դաստիարակների վերապատրաստման երկրորդ փուլի․․․ Մեդիաուրբաթ-հինգշաբթին թույլ կտա այս նախագծերում ընդգրկված սովորողների տոնախմբություն-հավաք անցկացնել «Սեբաստացիներ» երգչախմբերի պարտադիր մասնակցությամբ։
Ահա ինչու,
- հոկտեմբերի օրացույցում կատարում եմ փոփոխություն.
- պարտադիր եմ համարում, որ այսօր՝ մանկավարժական ակումբից անմիջապես հետո, Սեբաստիա» համերգասրահում այս նախագծերի պատասխանատուները ներկայացնեն նախագծերը, ճամփորդության հայտերը, պատրաստության ընթացքը։
