Ձյան բերած առաջին սուրհանդակը
Ձնախառն սուրհանդակ
Ուրի՜շ…
Ուռա՜, ձյունը ձմեռ է բերել ու նոր հոգսեր, որոնք պիտի դառնան ամենօրյա ուսումնական աշխատանք: Անվտանգ, մաքուր աստիճաններ մեր կրթական աշխարհում, ամենուր. հատկապես՝ դպրոց բերող բոլոր ճանապարհներին, մուտքերին:
Աստիճաններն անշտապ, հավեսով մաքրելիս հաշվեք տնօրենի բլոգի այսօրվա խմբագիր, Ֆեյսբուքում «Կրթական պարտեզ արվարձանում» քաղաքացիական նախաձեռնության անդամ, հեծանվորդ Աննա Պետրոսյանի՝ նախագծում արձանագրած թվերը՝ Գեղարվեստից Մայր դպրոց իջնողը՝ 98, ամենաերկարը՝ դրան զուգահեռ, Գեղարվեստից չիջնողը՝ 142, քոլեջից Մայր դպրոց իջնողը՝ 52:
Հարթ տանիքների ձյունը պետք է ամեն օր մաքրել: Ինքնասպասարկումը՝ ինքնասպասարկում, բայց դպրոցների ղեկավարները, տնտեսուհի-բանվորները, կազմակերպիչները, Ռուդիկ Սահակյանը, որպես այս ծառայության համակարգող, աշխատանքային հայտնի պարտականություններ ունեն: Սկսենք: Ընդգրկեք նաև պահակ-բակապահներին և վարորդներին: Իսկ մեր տղամարդ ուսուցիչների երիտասարդացող ու բազմաքանակ դարձող ջոկատը, իրարկե, առաջին գծում է: