Սեբաստացիներ՝ որտեղ էլ լինեք, և կրթահամալիրի տնօրենի բլոգի ընթերցողներ, «Մխիթար Սեբաստացի» կրթահամալիրի 25-ամյակի առթիվ  հայտարարում եմ «Մեր-իմ տոնին» ֆոտոպատումի ստուգատեսը։

Սրանով ուզում եմ իմ օրագրերի ֆոտոհերոսներ դարձնել յուրաքանչյուր սեբաստացու՝ իր գործով, ընտանիքով, առօրյայով։ Ուզում եմ, որ դուք դառնաք օրվա իմ գրերի ավելի ակտիվ ընթերցող, տարածող. դուք իմն եք, ու իմ բլոգը նաև ձերն է։

Լուսանկարները.

• ստեղծված լինեն հատուկ տնօրենի բլոգի համար.
• ներկայացնեն սեբաստացիներին՝ որտեղ էլ նրանք կան, նրանց գործունեությունը.
• ստեղծեն-փոխանցեն տոն, անսովորի, հարազատության-համերաշխության զգացողություն։

Առաջարկել եմ, որ լուսանկարներն ընտրի, ներկայացնի Անի Սարգսյանը՝ «Սեբաստացի» TV-ն։

Ստեղծեք ձեր ֆոտոպատումը, ներկայացրեք մեկ-երկու նախադասությամբ՝ որպես մակագրություն, գրանցեք ստեղծման օրը, ժամը և ուղարկեք anisargsyan@mskh.am հասցեին։