Կրթահամալիրում 2016թ. հունվարի 25-ից մեկնարկած բնագիտա-տեխնիկական ստուգատեսի համակարգող Գնել Հարությունյանը տեղեկացնում է, որ 2016թ ստուգատեսը գրանցել է հայտերի որակի և քանակի զգալի աճ, խնդրում է ավելացնել արդյունքների ամփոփման ժամանակը։  Հանրակթական Դիջիթեքի համակարգող Մարիետ Սիմոնյանը խնդրում է հաշվի առնել, որ մեր գործընկերների վրաստանյան խումբը նոր է ժամանել և հետաքրքրվում է Հանրակրթական Դիջիթեքով, և ստուգատեսի հայտերի ընդունումը շարունակել մինչև փետրվարի 25-ը։ Թող շտապեն օգտվել այս հնարավորությունից իհարկե նաև նրանք, որ չեն հասցրել տեսքի բերել իրենց աշխատանքները, «Պլանշետը որպես 5-6- տարեկանների ուսունական գործիք» նախագիծն սկսողները։ Իսկ ստուգատեսի պատասխանատուները կհասցնեն մինչև փետրվարի 26-ը ամփոփել ստուգատեսի արդյունքները՝ հնարավորություն տալով ըստ անվանակարգերի հանձնաժողովներին գնահատել դրանք սահմանված կարգով և ժամկետներում։ Ահա ինչու՝ Հանրակրթական Դիջիթեք, բնագիտա-տեխնիկական ստեղծագործության, մարմնամարզական ստուգատետեսների արդյունքների հրապարակումը, դրանց պաշտոնական փակումը նախապես հայտարարված փետրվարի 19-ի փոխարեն կլինի փետրվարի 26-ի մեդիաուրբաթին։

Իսկ փետրվարի 19-ի բաց մեդիաուրբաթ-համերգը նվիրենք ամենայն հայոց բանաստեղծին և «Կարդում ենք» ստուգատեսի համակարգողների առաջարկությամբ ժամը 14.00-15.00 տանենք Թումանյանի երևանյան տուն։ Սրանով մեկնարկում է թումանյանական ընթերցումների շաբաթը՝ կրթահամալիրում, Թումանյանի տուն-թանգարանում, քաղաքում, ամենուր, ուր կտանի Թումանյանը, դասարաններով ու այլ խմբերով։