Այցելեցի այսօր Գեղարվեստի կրտսեր դպրոց և տխրությամբ արձանագրեցի, որ 2-4 տարեկանների խումբը (դաստիարակ՝ Բուրիկ Հովսեփյան, օգնական՝ Լիանա Գարախանյան) պահեստի է վերածված՝ փնթի, լիքը անպետք գույքով, երկու խմբերի տարածքը՝ չմաքրած ապակիներով, հարավային ճակատը՝ լողափով, չմաքրված, խոտը չհնձած, աղբանոց։ Բազմիցս գրավոր և բանավոր զգուշացրել եմ, արգելել ուսումնական կաբինետները, կրթական միջավայրը, միջանցքները վերածել մոռացված իրերի պահոցի։ Արձանագրում եմ կրթահամալիրի կրթական օբյեկտների, բակերի պահպանության և բարելավման խմբի ղեկավար Ռուդիկ Սահակյանցի և Գեղարվեստի կրտսեր դպրոցի ղեկավար Արմինե Թոփչյանի անբավար վերահսկողություն-կազմակերպումը։ Բուրիկ Հովսեփյանին, Լիանա Գարախանյանին և Շողիկ Ղարիբյանին հայտարարում եմ նկատողություն։ Պահանջում եմ 24 ժամվա ընթացքում Գեղարվեստի դպրոցի նախակրթարանը՝ իր ներքին և արտաքին տարածքներով, բերել պատշաճ վիճակի։
Այսօր ցավով արձանագրեցի, որ կրթահամալիրի Մայր դպրոցի հողատարածքները, ծառերն ու թփերը արդեն 4-րդ օրն է, անջուր են: Սահմանված կարգով ծառերը չջրելն արտակարգ պատահար է: Բազմիցս գրավոր ու բանավոր զգուշացրել եմ, որ սեպտեմբեր ամսին ամենաշատն են չորանում կանաչ տարածքները: Դրա պատասխանատուներն ասում են, որ արդեն աշուն է, ամառվա վտանգն անցավ: Իրականում սեպտեմբերը Երևանում ոչ պակաս չորային է, աղետաբեր՝ չջրվող ծառերի ու տարածքների համար: Զգուշացնում եմ կրթական օբյեկտների հողերի խնամքի պատասխանատուներին, որ բարեխիղճ իր պարտականությունները չկատարելը հիմք է աշխատանքային պայմանագրի լուծման համար: Սպասում եմ կրթահամալիրի կրթական օբյեկտների, բակերի պահպանության և բարելավման խմբի ղեկավար Ռուդիկ Սահակյանցի, պարտիզպան Գևորգի և դպրոցների ղեկավարներ Մարգարիտ Սարգսյանի և Մարթա Ասատրյանի հասկանալի բացատրությանը, իհարկե, անհապաղ ոռոգումը կազմակերպելուց և կատարելուց հետո:
