Պիետրո Շաքարյանը Միչիգանի համալսարանի ավարտական կուրսի ուսանող է: Նա վերջացրել է իր «Դպրոց առանց պատերի» վերնագրով ավարտական թեզը, որը հիմնականում «Մխիթար Սեբաստացի» կրթահամալիրում իրականացված կրթական բարեփոխումների մասին է՝ Խորհրդային և հետխորհրդային Հայաստանում քաղաքական բարեփոխումների ու կրթական նորարարությունների ֆոնին:

Պիետրոն գրում է.

Ողջույն բոլորին,
Լավ լուր ունեմ.

Արման Ամիրխանյանը «Գյուլբենկյան հիմնադրամից», որը մեծապես աջակցել է Հայաստանում արված իմ հետազոտական աշխատանքներին, այնքան է տպավորված եղել «Մխիթար Սեբաստացի» կրթահամալիրի մասին պատմող իմ ավարտական թեզով, որ ուղարկել է այն «Գյուլբենկյան հիմնադրամի» հայկական համայնքների բաժնի տնօրենին: Ըստ այդ բաժնի կայքի՝ հայկական համայնքների բաժինն աշխատում է, որպեսզի «…հայ ժողովրդի համար կենսունակ ապագա ստեղծի այնտեղ, որտեղ իր լեզուն ու մշակույթը պահպանվում և արժևորվում են»:
Բաժնի տնօրենը Ռազմիկ Փանոսյանն է՝ արևմուտքի նշանավոր հայագետ, որի Հայոց պատմությանը վերաբերող  «TheArmenians: From Kings and Priests to Merchants and Commissars. Հայերը՝ թագավորներից ու հոգևորականներից մինչև վաճառականներ ու կոմիսարներ»-ը իմ մշտապես սիրելի գրքերից մեկն է:
Կրկնում եմ, որ սա լավ լուր է և՛ իմ ավարտական թեզի, և՛ «Մխիթար Սեբաստացի» կրթահամալիրի համար:

Լավագույն ցանկություններով…