Հաղորդագրություններ օրվա, որ բերում եմ իմ գիր
Սոնա Փափազյանն ինձ ոգևորում-ուրախացնում է. Սիրելի ու մեզ հավեսի գցող Տիար ջան, շնորհակալ ենք օրվան ու նախաձեռնությանը գույն, զվարթություն հաղորդելու համար:
Շնորհակալ ենք մեր մարզադպրոցին, մեր սիրելի ընկեր մարզիկներին:
Էստաֆետը փոխանցում ենք…. Հե՜յ…
Արմինե Թոփչյանի հաղորդումների շարանը։
Ագարակից, Արևմուտքի դպրոց-պարտեզից կրթական պարտեզի ընդարձակումը Բախշյանի անվան մանկական այգով, որի այս կենտրոնը ինձ ու Արմինեին ներկայանում է որպես ազգային խաղերի հարթակ… Շարունակենք։
Երեկ եղավ կրթահամալիրի հիմնադիր-մենթորների հավաքը քոլեջի վերնատանը։ Քննարկվեցին կրթահամալիրում հեղինակային կրթական ծրագրի փոխանցման, ծրագրի զարգացման շարունակականության ապահովման հարցեր։ «Մխիթար Սեբաստացի» ՊՈԱԿ-ը, «Սեբաստացիներ» կրթական հիմնադրամը, նոր նախաձեռնություն «Բլեյան դպրոց» հասարակական կազմակերպությունը միասին կյանքի կկոչեն հեղինակային մանկավարժության զարգացման ամենահամարձակ մեր ծրագրերը։
Ահա կրթահամալիրի քոլեջի ձմեռային բակ-պարտեզը։
Լուսինե Բուշը գրում է. Կարինե Մացակյանն այսպիսի առաջարկ է ներկայացրել Բրուտանոց տանող ճանապարհի համար։ Սկսում ենք շարել քարերը։
Քարերը հավաքելու ժամանա՞կն է։
Քրիստինե Շահբազյանը գրում է.
Հարգելի՛ տիար Բլեյան։ «Հյուսիսափայլ»-ը սիրով հրավիրում է Ձեզ Հյուսիսի Արտասահման՝ քննարկելու «Նոր ուղի» քաղաքական նախաձեռնությունը: Հանդիպման խորագիրն է՝ «Ո՞րն է մեր ուղին»: Հանդիպման նախապատրաստական աշխատանքներն ընթացքի մեջ են. կարդում, քննարկում ենք…
Քրիստինե ջան, ծանոթանում եմ հանդիպման նախագծին: Կգամ, իհարկե։ Միասին լինելու այսպիսի առիթը մենթոր տիարը բաց չի թողնի։
Օրվա վերջում մեր խաղաղ զրույցն էր Սեբաստացիներ կրթական բաց համայնքում։ Դուք էլ լսեք, մասնակցեք։
#1930