Վերնագիրը Մարթա Ասատրյանինն է։ 

Երկար ընդմիջումից հետո երեկ մեզ տուն այցելեց Շուշիի մեր լավ ընկերը՝ Դավթին ու Աստղիկին եղբայրացած, Երևանի պետական համալսարանի ուսանող—զինծառայող Արթուր Սահակյանը․․․ Արթուրը խելացի ժամացույց կապեց իր Դավիթ եղբոր թևին, Դավթն իր չօգտագործվող ժամացույցը կապեց Աստղիկ քույրիկի թևին։ Հասուն Աստղիկին կրկնակի ուրախություն հասավ ուժեղ եղբոր գրկում թռիչքի ձևով․․․ Դավիթը եղբորից կարոտն առավ, մեր հարազատի նկատմամբ մեր վստահությունը տեղն ընկավ․․․ Արթուրը դեռ Երևանում է. կրթահամալիր իր վերջին այցը Արթուրն էլ, սեբաստացի ընթերցողն էլ իմ բլոգում թող թարմացնի այս հղումով․․․ Կհանդիպենք։ 

Անցած շաբաթվա նորացած ձմեռը, Ալավերդում, Շիրակում, Վայոց ձորի Եղեգիսում եռօրյա ճամփորդական—ուսումնական նախագծերը առաջ բերին, այս անգամ՝ որպես մենթոր տիարի հոգածության գործ, սեբաստացի քարվանասարաների ձևավորման խնդիրը․․․ Որտե՞ղ կստեղծվի մեր առաջին ճամփորդական—ուսումնական—հայրենագիտական բաց կենտրոնը՝ Լոռի—Ստեփանավանո՞ւմ, Շիրակ—Գյումրիո՞ւմ, Տավուշո՞ւմ, Սյունիք—Զանգեզուրո՞ւմ, Սևանի ավազանո՞ւմ․․․ Քոմենթով Մարտունու Վարդենիկի մեր գեղեցկուհուն ուղղվածն այսպիսի հեռանկարի մասին է․․․ Սրանք 2021-ին կարող են գործել վրանային—ճամբարային ամառային կազմակերպմամբ, ինչպես ենթադրվում է, կարող է լինել Վարդենիկինը, Արագածի մեր կնքահայր Ալբերտի առաջարկած Քարե լճինը՝ Արագածի փեշերին․․․ Բոլոր ոգևորվածները, խոստումով—ծնունդով կապվածները թող անցնեն գործի. դուք ունեք տիար մենթորի, Սեբաստացիներ կրթական հիմնադրամի ողջ ուժով աջակցությունը։ Այսպիսի հեռանկարով սկզբունքային կարևորություն է ստանում կրթահամալիրի քոլեջի «Զբոսաշրջային ծառայությունների կազմակերպում» մասնագիտության ուսանողների մեծ խմբի քայլարշավը ձմեռային Եղեգիս—Արատեսով, ծրագիրը Էլյա Սահակյանի, մեր նոր գործընկեր մշակութաբան—հայրենագետ Տիգրան Զոհրաբյանի հետ, որ ունի այսպիսի աշխատանքի և՛ փորձ, և՛ հեռանկար աշխատանքային․․․ 

Բնապահպանական ուսումնական ստուգատեսը մայիս—հունիսի նույնպես այսպիսի բովանդակություն կարող է ստանալ՝ ճամփորդությամբ ուսուցմամբ կառուցված, ի մի բերելով տարիների մեր հեղինակած փորձը. կենտրոնում, այսպիսով, մեր աշխարհագետ—հայրենագետ—բնապահպան—բարձունք նվաճող ուսուցիչ—կազմակերպիչներն են․․․ Ահա ինչու, այս օրերին ես հատկապես ուշադիր էի Ալավերդին վերցրած Մարթա Ասատրյանի մի շնչով պոկումին՝ վարժարանականների թարմ խմբով, Գայանե Սարգսյանի Արուճով—Գյումրի անցումին, ուշադիր եմ Արատեսում Աննա Երիցյանի «Ակներ» ազգագրական երգ ու պարի համույթի գործունեության նկատմամբ․․․ որպես կարևոր նախավարժանք, ուժի—հավեսի ցուցադրության—վճռականության՝ մեծ իրադարձություններից առաջ․․․ 

Սմբատ Պետրոսյանն իր աշխատանքային շաբաթն անցկացնում է Արատեսում, Տարոն Հակոբյանի հետ յուրաքանչյուր օրվա անելիքներով, ամենօրյա հաղորդումներով․․․ Տեղին է, գարնան ձյուն է, արագ կգնա, ինչպես եկել էր, ու ապրիլ կգա արատեսյան՝ պայծառ—գարնանային․․․ Պիտի հասցնել մարտի հետաձգված գործերն Արատեսում ապրիլին անել, ապրիլինն էլ հետը։ Առանց երևանյան աջակցության նախապատրաստման այս ծավալի ու որակի գործերը չեն արվում։ Միավորում են կրկին իրենց ջանքերը կրթահամալիրի Գեղարվեստն ու Քոլեջը․․․ Օր առաջ Սիրո անկյան և Պանդոկի բնակեցումը առանձնահատուկ էջ է Արատես դպրական կենտրոնի, քոլեջի մասնագիտական կրթության 2021-ի օրացույցում․․․ 

#2020