«Հարթակում ծնողներն են» նախագիծը հեղինակային մանկավարժության հեղինակների մայիսյան հավաքի մեխը եղավ։
Այս նախաձեռնությունները, թե առաջարկները, որ ծնվել են սեբաստացի կրթական համայնքի ծնողական ընկերակցության ուժից-կարողությունից-համերաշխությունից, նաև համավարակի շրջանի ընտանեկան դպրոցի դրսևորումն են․․․ Ողջ մայիս, շարունակական, կրթահամալիրով մեկ, բազմազան պարապմունքները, որ վարում էին սեբաստացի մասնագետ ծնողները, արժե մի փաթեթում mskh.am-ի գրադարանին ներկայացնել։ Ցավում եմ, որ մասնակիցը չեղա որպես ունկնդիր շարքային, ծնողական հարթակի պարապմունքներին, որոնք լրացուցիչ կրթության յուրահատուկ դասընթաց ձևավորեցին․․․ Մայիսն էր իմ այսպիսին, մենթոր-տիարի աշխատանքային գործուղումների մեջ․․․ Ափսո՜ս․․․ Օրացույցով բարեխիղճ ներկայացվող, դպրոցների-ուսուցիչների բլոգներում պատմվող ուսումնական պարապմունք-հանդիպումները ծնողների հետ շարունակվում են․ ես կուզեի իմ այս գրով-անդրադարձով ցանկի բերել ծնողական բոլոր պարապմունքները․․․ Կօգնե՞ք ինձ հունիսյան ճամբարի օրերին ծնող-մասնագետների հետ մի հանդիպում-ընդունելություն կազմակերպել, ի մի բերել հեղինակային մանկավարժության մեր գործընկեր-պատվիրատու-կազմակերպիչների այսպիսի օրացուցային «ներխուժումը»․․․ Ինչպիսի՞ն կարող է լինել այդ հանդիպումը․․․ Նախանձելի նախաձեռնություն եմ հրահրում այսպիսով․․․
Գոգինյան Արմինեի այս հիացումը Հայաստանում մեղվաբուծության մենթոր հաստատված Գագիկ Հարությունյանի ստեղծած հեղինակային՝ Գեղաշենի տնտեսությամբ, ուսումնական-հայրենագիտական մեկօրյա ճամփորդությունների այնպիսի տեսակի կազմակերպում է, որ հունիսյան ուսումնական ճամբարների համար ուղեցույցի նշանակություն պիտի ունենա․․․ Հատկապես, որ այցը խոսում-հաստատում է մեր հեղինակային մանկավարժությամբ ձեռքբերումը, եզակի Հայաստանում, հանրակրթական մեղվաբուծության, անշուշտ տարածելի այս տարում Բլեյան բաց ցանցով, Գագարին պրոյեկտով․․․ Տեսեք որքա՜ն ոգևորված-անդուլ-հետևողական է Արմինե Գոգինյանն իր ակումբով, ու ինչպիսի, նաև ընտանեկան աջակցություն ունի։ Կեցցե՛ս, Դավիթ Բլեյանի հայրենագետ-ամենագետ․․․
Տիար Բլեյան, ես շատ տպավորված եմ այսօրվա մեր կարևոր հանդիպումից: Հայաստանի մասշտաբով ամենախոշոր մեղվաբուծարանը՝ իր լաբորատորիայով, թանգարանով բաց, կենդանի միջավայրով ինձ և բոլոր մասնակիցներին հիացրեց: Ես տեսա և հասկացա՝ ինչ ասել է օրգանիկ մեղր: Պարոն Հարությունյանը մեզ շատ լավ ընդունեց, շատ կարևոր մինի պարապմունք արեց: Իսկ թանգարանը… Խոսքեր չունեմ՝ բացառիկ թանկարժեք հավաքածու՝ բերված աշխարհի տարբեր ծայրերից: Կարծում եմ՝ կայցելենք միասին, երբ բացվի. դեռևս հավաքագրման փուլում է: Ձեզ շնորհակալ եմ անչափ:
Արմինե Գոգինյան
Մենք չենք կարող կրթահամալիրով-կրթական համայնքով չաջակցել մեր մեղվաբուծական բտնտեսության զարգացմանը Երևանում, Արատեսում․․․ Իսկ հին ու նոր փեթակները, ընտանիքները, ինչպես սովորող մեղվաբույծները, ճանապարհվում են Արատեսի դպրոց բնության գրկում․․․
Սմբատ Պետրոսյանը, երեկ Արատեսի բարեկարգման-բարելավման աշխատանքներին նվիրված աշխատանքայինբ հավաքին հաստատեց, որ տարատարիք սովորողների հայտերով զբաղեցված են Արատեսի հունիսի բոլոր օրերը․․․բ Արատեսը պիտի ընդարձակվի, վրանային գոտիներ ունենա․․․ Մերժել չի կարելի։
#2069