Իմ այս տեսանյութի հերոսին հանդիպեցինք Եղեգիսի կենտրոնում, երբ Վիգեն Ավետիսին ու Աշոտ Ասլանյանին ներկայացնում էի Օրբելյանների տապանատունը, իսկ 26-ամյա Սարգիսը իր Նիվա-ամենագնացով քշում էր ուլիկ-գառուկների խմբերին…
Մենք պայմանավորվեցինք երիտասարդ մենատնտեսի հետ, որ օրեր առաջ գյուղի նոր դպրոցի շինարարությունում կորցրել է իր հորը… Հետաքրքիր է՝ ով է նա ու ինչպես է մեր օրերում տնտեսվարում-կենցաղավարում…
Աշոտն առաջին անգամ է լինում Արատեսում, Վիգենը՝ երկար բացակայելուց հետո։ Նախաձեռնությունն իմն է. Արատես դպրական կենտոնի, դինամիկ կառուցապատման այս շրջանում օգտակար են և՛ Վիգեն գեղագետի աչքը, և՛ Աշոտ կառավարչի փորձը: Հետո վաղուց միասին չենք ճամփորդել… Ես պիտի դեռ հասցնեմ Սելիմ-Վարդենյացով ետդարձի ճանապարհին լինել Ծաղկունքում՝ մասնակցելու Գագարին նախագծով բնապահպանական ուսումնասիրությունների բացօթյա ներկայացմանը… Գոհ եմ, շնորհակալ Ծաղկունքի հավաքից՝ բազմամարդ-մասնագիտական-հետաքրքրված լսարանից, ոլորտի մասնագետներն իրենց երկարամյա աշխատանքից այնքա՜ն կարևոր արդյունքներ ներկայացրին, չափումներ, ձեռքբերումներ, նոր պայմանավորվածություններ… Կարևոր է այն լրջությունը, որով սեբաստացի ուսուցիչ-սովորողների մի խումբ մասնակցում էր բնապահպանական այս հավաքին:
Կարևոր էր Վիգենի ու Աշոտի հետ կարճաժամկետ-խիտ աշխատանքը Արատեսյան այցելության ընթացքում. աշխատանքը կունենա շարունակություն: Արատեսում, իհարկե, գլխավորը տարատարիք սեբաստացի խմբերի շարունակվող հերթափոխումն է՝ վստահ, յուրային, միշտ կարոտով Արատեսի բնությանը… Արատեսի ջրերին, սարերին…
Առցանց-հեռավար ես հետևում էի Գագարին նախագծով ֆուտբոլային անդրանիկ մրցաշարի նախապատրաստական հավաքին դպրոցների-համայնքների ֆուտբոլասեր կազմակերպիչ-պատասխանատուների հավաքին Դդմաշենում… Լավ, ոգևորող սկիզբ է Գագարին նախագծի երիտասարդ մասնագետ Դավիթ Աբրահամյանի համար: Կարևոր է, որ կրթահամալիրն իր թիմերով լիարժեք մասնակցի և՛ առաջնության կազմակերպմանը, և՛ խաղերին:
Ծաղկունքի բնապահպանական հավաքին իմ անունով, բայց բարձր գնահատվեց կրթահամալիրի մենթորական գործունեությունը այս շրջանի։ Կեցցենք մենք։ Առաջիկա շաբաթը վճռական է Սևան-Հրազդան առանցքի շուրջ «Գագարին» նախագծով գյուղական ճամբարների և արատեսյան ռազմամարզական ճամբարում «Գագարանի» դպրոցների պատանիներին ընդգրկելու առումով։
#2082
