Հունիսի 15-ի օրագրի հավելվածը։

«Մխիթար Սեբաստացի» կրթահամալիրի մանկավարժական համակազմն արդեն երեսուն տարի մշակում, իրականացնում է հանրակրթության իր հեղինակած ծրագիրը՝ ամբողջական ներառական իր սկզբնավորման պահից: 

Այլընտրանքային կրթական ծրագրերը, այդ թվում՝ նաև հեղինակային կրթական ծրագիրը, որոշված են Հանրակրթության մասին ՀՀ օրենքի 3-րդ հոդվածում: Կրթահամալիրում իրականացվող հեղինակային հանրակրթական ծրագրերը հենվում են օրենքի 5-րդ հոդվածով որոշված հանրակրթության նպատակների, պետական քաղաքանության սկզբունքների և հանրակրթության պետական չափորոշիչի վրա, ապահովում են հանրակրթության պետական չափորոշիչով սահմանված՝ շրջանավարտներին ներկայացվող նվազագույն որակական պահանջները՝ ըստ մակարդակների: Մեր մանկավարժության ձեռքբերումներն են և՛ ուսումնական պարապմունքների ձևերն ու դրանց կազմակերպման կարգերը, և՛ ուսումնական գործունեության արդյունքների՝ ամեն տարի լրացվող գնահատման բաց համակարգը։ 

Մեր հեղինակած մանկավարժությունը վաղուց դուրս է եկել կրթահամալիրի սահմաններից և առանձին դետալներով կիրառվում է հանրապետության նախադպրոցական հաստատություններում, դպրոցներում: Սակայն հեղինակային կրթական ծրագրի զարգացման, ցանցային տարածմամբ այլ դպրոցներում ամբողջական ներդնելու համար կարևոր է, որ ծրագրի սովորողի ուսումնական գործունեությունը գնահատվի, դասարանից դասարան փոխադրումը, ավարտական քննությունները կազմակերպվեն ծրագրով որոշված ձևերով և միջոցներով: Հեղինակային կրթական ծրագրով ուսանած շրջանավարտը իրավունք ունի ակնկալելու հանրակրթության պետական չափորոշիչի պահանջներին համապատասխանությունը որոշելու այլ ձև, քան պետական կրթական ծարագրով որոշման ձևն է: 

Սրան է նվիրված մեր մանկավարժական քննարկումը-կլոր սեղանը հունիսի 19-ին։ Համեցեք։ Մարիետ Սիմոնյանն իր գործընկերների հետ կներկայացնի մեր մշակած-փորձարկած համակարգի այս տարվա գործունեությունը,  2019-2020-ի առաջարկները։