Երեկ Լուսինե Բուշն ընդունեց իմ առաջարկը, ու ես այսօրվա իմ գիրն սկսում եմ՝ նրան կրթահամալիրի Միջին դպրոցի ղեկավարի պաշտոնում ներկայացնելով․․․ Սիրելի ու հանրահայտ մեր Բուշն է՝ ընդմիշտ սեբաստացի իր ավագ քույր Նարինեի հետ, նույնքան հանրահայտ, որքան մի այլ Բուշ ժամանակին Ամերիկայի Միացյալ Նահանգներում․․․ Կապը այս Բուշերի միջև շարունակում է չբացահայված-գայթակղող մնալ․․․
Սիրելի Մարալ Կարապետյանի համար շարունակ բաց կմնան կրթահամալիրի դռները. երբ որոշակի դառնան իր պլանները, երբ մանկավարժությունը, որպես հիմնական աշխատանք, ընտրության առաջ կանգնեցնի, մեր դուռը, իհարկե, լայն կբացվի․․․
Անակլիայի սեբաստացի ճամբարականները այսօր հասան Թբիլիսի:
Ֆոտոշարը՝ Աննա Երիցյանի ֆեյսբուքյան էջից:
Տաթևը Աբրահամյան կեցցե՜, վերադառնում է Միջին դպրոց, մանկավարժությամբ՝ արարչությամբ զբաղվելու, որպես մասնագիտություն, հայրենի-մայրենին զորացնելու՝ կրթահամալիրում տարիներ ձեռքբերած իր հմտություններով․․․ Շահեցին մեր 6-8-րդ դասարանցիները և բոլորը, ովքեր տարբեր ճամփորդական նախագծերով, երթուղիներով Բանգլադեշից Սևանի ավազանով անցում կանեն Եղեգիսի կիրճ՝ Արատես ու հայտնագործություններով նոր կվերադառնան, ասենք՝ Վարդաբլուր-Հերհեր-Երևան կամ Երևան՝ Շատինի վանքով, Վերնաշենի Սպիտակավորով․․․ մի կենդանի ժողովրդի ապրող ազգագրություն ուսումնասիրելով, նրանց բառ ու բանը իրենց մայրենին դարձնելով․․․ Ամեն ինչ կարգով, օրացույցով, Արատեսի դպրական կենտրոնի, կրթահամալիրի կանոնադրությամբ…
Ռիմա Երեմյանին այսօր ես ներկայացրեցի իր երբևէ աշխատավայր Արևմտյան դպրոց-պարտեզում, իր մանկավարժական-ճամբարական ընկերներին։ Այսպես հեշտ է, ճիշտ է, երբ մանկավարժությունն է հեղինակային լինում-մնում աշխատող սեբաստացու կյանքի զբաղմունքը, իսկ փոփոխությունները՝ կազմակերպիչ-ղեկավար, թարմացումներ-խթաններ… անհրաժեշտ-ոչ վնասակար․․․
Ամառային լողափ, 2-4 տարեկաններ:
Ֆոտոշարը՝ Հասմիկ Պողոսյանի:
Դավիթ Բլեյանը Նիկոլ Փաշինյանից օգոստոսի 17-ին նեղացել է․ ինքը իր ավելի ու ավելի ծոցվորվող մայրիկի ձեռքը բռնի՜, տանի հրապարակ, հարյուր հազարի հետ Նիկոլին լսի, դիմանա մինչև խոսքի-հավաքի ավարտը, Նիկոլը բարձունքում, բոլորն ափի մեջ, տեսնի, ամեն ինչից խոսի ու․․․ Դավթին չտեսնի, չմոտենա, չկարևորի, չգրկի․․․ Այս տարի մարտի 11-ին՝ Աշոտի ծննդյան օրը, Նիկոլենց տանը, ինքը եղել է Նիկոլի ուշադրության կիզակետում, ու այս էլ 100-150 օր, դեպի կառավարություն-կառավարման, իր կյանքի լսելի «Նիկո՜լ, Նիկո՜լ» օդ դարձած շրջանում, Նիկոլը այդպես էլ չի մոտենում․․․ Դավիթ-հակահեղափոխականի այս կեցվածքը բազում վտանգներ ունի, իմ գրով եղբայրաբար փոխանցում եմ, զգուշացնում նոր և հին սերնդի հասունացող վիրավորանքից․․․ Իսկ «դուխով» մակագրությամբ գլխարկը Շատինում գտնվել է, լվացել-չորացրել են․ համեցե՛ք, հյուրասիրությամբ ուրախությունը ձեր վերգտեք․․․
Ամառային Ճամբարը Հարավում:
Ֆոտոշարը՝ Լուսինե Նազարյանի:
Այսօր հարյուրները կհայտնվեն կրթահամալիրի Բանգլադեշ բերող ճանապարհներով, ճամբարային դռներով՝ որպես մուտք նոր հավեսի, 2018-2019 ուսումնական տարի պաշտոնական անունով․․․ Այսօր մեր մանկավարժության աշխույժի հետ արձակուրդից վերականգնման օրն է՝ կրթահամալիրի ճամբարների բազմապատկվող բազմազանությամբ․․․ Ուսուցիչ, թե սովորող, աշխատանք փնտրող մասնագետ, բոլոր կողմերից, քո ազատ ընտրությամբ մտիր, բայց անպայման մուտքի ճամբարով, հավաստի քո և քո նոր ընկերների համար ուսումնական աշխատանքով․․․
Ես հրապարակում եմ վարչական խորհրդով հաստատված կրթահամալիրի հանրակրթական դպրոցների սովորող-սաների թիվը՝ ըստ դպրոցների-դասարանների, այսպիսի՜ աճ-ընդունելություն մուտքի ճամբարներով, բացվող-չփակվող դռներով բազում․․․ Հետաքրքիր է, ու տեսե՜ք, գտնում է հանրային արձագանք։ Իսկ աղանդեր-անուշ որպես՝ Արատեսի ու Սևանի «Ժայռ»-ի եռօրյաներն աշխատանքային, հայրենագիտական հավաքները, սեպտեմբերի 1-ի Արագածի բարձունքի նվաճումը․․․ Սրանից լավ խորհո՞ւրդ, որ սկսես քո կյանքը նոր այսպիսի հավեսով, այսպիսի բարձր գագաթի նվաճումով․․․
Ֆոտոխմբագիր՝ Հասմիկ Պողոսյան
#1443