Մայիսյան ամենամյա 13-րդ հավաքին ներկայացվել են հեղինակային մանկավարժության հեղինակ դասավանդողի հայտերը։ Դրանց հիման վրա, ներկայացված նախագծերը լրացնելով դպրոցի, մասնախմբի, լաբորատորիայի, ուսումնական կենտրոնի ղեկավարների կողմից, մայիսի 10-12-ը՝

• կրթահամալիրի դպրոցների ղեկավարները ենթակայքերում հրապարակում են դպրոցում հավաքի մանրամասն ծրագրերը՝ ներկայանալով որպես հեղինակային կրթական ծրագրի ցանցի դպրոց՝ իրականացվող կրթական ծրագրերով, դրանց կազմակերպմամբ՝ ուսումնական ընդհանուր, խմբային, անհատական, առկա և հեռավար, արտագնա պարապմունքներով, ուսումնական նախագծերով, գործընկերներով, այդ թվում՝
  – ընդհանուր պարապմունքներ, ուսումնական կյանքի ծիսականացում.
  – սովորողի և ուսուցչի՝ ճամփորդությամբ ուսուցման պատրաստության ամենօրյա ֆլեշմոբ՝ հրապարակային ցուցադրություն ուղիղ եթերում.
  – ուսումնական նախագծերի տարածում-հանրայնացում-գործընկերների ներառում.
  – ուսումնական նախագծերի-արդյունքների ներկայացում. համերգ, ներկայացում, ցուցադրություն.
  – շրջակա միջավայրի բարեկարգման, կրթական պարտեզի ամենօրյա նախագծեր.
  – ուսումնական կյանքի, հավաքի լուսաբանման ամենօրյա նախագծեր.
  – 2018-2019 ուստարվա ուսումնական պլանների նախագծերի, առաջարկությունների քննարկումներ.
  – հունիսյան ճամբարների ծրագրերի հրապապակում, դրանց տարածման նախագծեր.
• կրթահամալիրի լաբորատորիաները, մասնախմբերը սկսում են հրապարակել հեղինակային կրթական ծրագրի ցանցի սպասարկման իրենց փաթեթները՝
  – մանկավարժական մոտեցումները հանրակրթական համակարգերին, այդ թվում՝ «Իմացումի հրճվանքի», խոսքի մշակույթի-ընթերցանության, լեզվագործունեության (օտար լեզուների) – հասարակագիտության, ռազմամարզական, երաժշտական, տեխնոլոգիական,
  – մեթոդական մշակումներ, տեսադասեր,
  – ուսումնական նյութեր,
  – հեղինակային կրթական ծրագրի ցանցի դպրոցների դաստիարակին, դասվարին, կազմակերպչին, բլոգային-նախագծային ուսուցման կազմակերպիչ ուսուցչին ներկայացվող պահանջներ,
  – հունիսյան վերապատրաստումների մոդուլներ, հայտարարություններ.
  – հեղինակային կրթական ծրագրի ցանցին միանալ նախաձեռնողների (տնօրենների-փոխտնօրենների) հունիսյան վերապատրաստման մոդուլ, հայտարարություն։
• կրթահամալիրային ծրագրում՝
  – ամեն օր՝ ժամը 15։ 15, համերգ, երաժշտական հանրակրթության ուսումնական նախագծերի արդյունքներ, հունիսյան փառատոնի անոնս. ծրագիրը կազմում է երաժշտության ուսումնական կենտրոնը.
  – ամենօրյա ցուցադրություն կրթահամալիրի ցուցասրահում. ծրագիրը կազմում է կերպարվեստի-դիզայնի ուսումնական կենտրոնը.
  – ըստ ոչ կրթահամալիրցի մասնակից գործըկերների հայտերի՝ վերապատրաստում.
  – մայիսի օրացույցով որոշված՝ տեխնոլոգիայի, կերպարվեստի, երաժշտության ուսուցիչների վերապատրաստում.
  – ուսումնական նախագծերով որոշված հանդիպումներ Գեղարվեստի հարթակում.
  – հեղինակային կրթական ծրագրի պաշտոնական ներկայացման շրջայցներ
  – հունիսյան ճամբար-փառատոնի, վերապատրաստումների ծրագրերի կլոր սեղաններ.
• «Դպիրում» սկսում են հրապարակվել հավաքին ներկայացված հոդվածները։ «Դպիրի» մայիսյան համարի խմբագիրներ՝ Հասմիկ Ղազարյան, Մարինե Ամիրջանյան, Մարիետ Սիմոնյան, Սուսան Մարկոսյան։