Հարգարժան տիար Բլեյան,

Ես և ամուսինս ապշած ենք, թե ինչպիսի պրոֆեսիոնալ մոտեցում ցուցաբերեցիք իմ բողոքին, որի համար անչափ զգացված ենք և շնորհակալ։ Ի սրտե Ձեզ աշխարհի բարիքն ենք մաղթում։

Իբրև շնորհակալություն Ձեր վերաբերմունքի և պրոֆեսիոնալիզմի՝ ցանկանում ենք չորսանիվանի մի հեծանիվ նվիրել պարտեզին։ Եթե ունեք որևէ խորհուրդ, թե ինչ տեսակի հեծանիվ գնենք, ապա խնդրում եմ ուղարկեք։ Մենք փորձ չունենք Հայաստանում որակյալ հեծանիվներ գնելու հետ կապված։
Նորից, խորապես զգացված ենք Ձեզնից։ Ձեզ անսահման առողջություն ենք մաղթում։

Հարգանքով՝ Նելլի։ 

Սիրելի Նելլի, մեծ բան չէ իմ արածը, իմ ամենօրյա աշխատանքն է։ Ես հակված եմ կոնֆլիկտներից օգուտ քաղելու, ինչպես այս դեպքում, որ կրթահամալիրով մեկ ստուգվեցին բոլոր հեծանվաուղիները, բոլոր հեծանիվների սարքինությունը։

Հեծանիվը որպես հանրակրթություն, առանց տարիքի սահմանափակման, անվտանգ, ներառական բոլոր տարիքի երեխաների և ուսուցիչների համար, իմ ուշադրության կենտրոնում է միշտ։

Կարևոր է ծնողների պահանջկոտությունը, նրանց պահանջների կոնկրետությունը, հետևողականությունը և աջակցությունը։ Դուք դրա լավ օրինակը ցույց տվեցիք։ Ես եմ շնորհակալ Ձեզ, ձեր ընտանիքին, մեր Շուշիին։

Իսկ աջակցության կարիք միշտ ունենք. ծավալուն գործ է, կգրեմ Ձեզ։

Կհանդիպենք։