Սովորողների համար ուսումնական պարապմունքների նոր շրջան է սկսում հոկտեմբերի 31-ին` աշնանային արձակուրդից հետո առաջին ուսումնական օրը։ Հրապարակում եմ կրթահամալիրի սովորողների տեղափոխման երթուղիները, դրանց պատասխանատուներին,  պարզաբանումները` այս գործի համակարգող Լուսինե Մամիկոնյանի ներկայացմամբ։ Դպրոցների ղեկավարները կհրապարակեն ամեն երթուղու սովորողներին ընդունող, նրանց հետ քայլող աշխատողների անունները, աշխատակարգերը։

  • Կրթահամալիրի Մայր դպրոցի կանգառում (Բաբաջանյան պողոտա) իջնում են Միջին, Ավագ, Նոր դպրոցների, քոլեջի սովորողները։ Նաև` Մայր դպրոցում առաջին պարապմունքը ունեցող Դպրոց-պարտեզի, Գեղարվեստի, Հիմնականի  5-րդ դասարանցիները։ Նրանք դպրոց են գնում ոտքով` դպրոցների ղեկավարների որոշած կարգով, պատասխանատուի ուղեկցությամբ։
  • Դպրոց-պարտեզի սովորողները ըստ երթուղու իջնում են Բաբաջանյան պողոտայի վերնանցումի մոտ (Բ-1 թաղամասի կողմում) կամ Բ-4-ի «Food» խանութի կանգառում։ Դպրոց հասնում են ոտքով, առանց սպասելու` դպրոցի ղեկավարի որոշած կարգով, պատասխանատուի ուղեկցությամբ։
  • Գեղարվեստի դպրոց-պարտեզի սովորողներն իջնում են Րաֆֆու փողոցի. ABB բանկի դալանի կանգառում, այդտեղից գնում են ոտքով, առանց սպասելու` դպրոցի ղեկավարի որոշած կարգով, պատասխանատուի ուղեկցությամբ։
  • Հիմնական դպրոցի սովորողները դպրոցի կանգառ հասնում են որոշված երթուղու տրանպորտային միջոցներով, դպրոցի ղեկավարի որոշած կարգով, պատասխանատուի ուղեկցությամբ։

Ունենալով սովորողների տրանսպորտային տեղափոխման սեպտեմբերի-հոկտեմբերի փորձը` առաջարկում եմ ձեր դիտողությունները, պահանջները, հարցերը, լրացումները, առաջարկությունները ներկայացնել անձամբ ինձ, հարգելի գործընկեր` կրթահամալիրի դասավանդող, կրթահամալիրի դպրոցներում սովորողի ծնող, սովորող։ Վստահեցնում եմ Ձեզ, որ մինչև մեկնարկող մեր տոնը` «Սեբաստացու օրերը», կունենանք հեղինակային կրթական ծրագրով ներառական, բոլորիս համար ընդունելի` սովորողների դպրոցից դպրոց տեղափոխում։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Explore More

Երկու սուրհանդակ

«Արվեստը» 7-11-րդ դասարանում «Արվեստը» կրթահամալիրում իրականացվող հեղինակային կրթական  ծրագրերի ուսումնական պլաններով որոշված առարկա է 7-11-րդ դասարաններում։ Այն, 7-9-րդ դասարաններում, ըստ ուսումնական պլանի. «ընդգրկում է կինո, թատրոն, կերպարվեստ դասընթացները, կազմակերպվում է

Կիրակնօրյա սուրհանդակ

Բարի օր, սեբաստացիներ բոլոր տարիքների, որտեղ որ եք: Օրը կիրակի է, ամենամյա բաց ստուգատեսային ճամբարի նախապատրաստման վերջին օրը: Արձանագրենք. հունիսի 15-19-ին կրթահամալիրում աշխատանքի երեք հիմնական ուղղություն կա` հունիսի 15-ին մեկնարկում

Նոր աշխատանքային շաբաթ կրթահամալիրում. հունվարյան ուսումնական շրջանի մեկնարկ

Սեբաստացի մեծուփոքր` դասավանդողներ, սովորողներ, ծնողներ 2016թ. դեկտեմբերի 26-30-ը կրթահամալիրի ուսումնական օրացույցով ուսումնական տարվա առաջին շրջանի ավարտն է։ Սկսում է կրթահամալիրի մանկավարժական աշխատողների ձմեռային առցանց-հեռավար դպրոցը՝ իր հրապարակված ծրագրով և աշխատակարգով։