Բոլոր կարգի սեբաստացիներին՝ ներկա ու նախկին ուսուցիչներին, սովորողներին, սաներին, նրանց ծնողներին, մեր բարեկամներին, որտեղ էլ որ լինեք-կաք․․․

Նոյեմբերի 14-19-ին եղեք «Սեբաստացիների օրեր» կրթահամալիրի տոնի մասնակիցը` մեր mskh.am-ում, մեդիայում, թե ֆիզիկական միջավայրում՝ կրթահամալիրի Բանգլադեշում, տներում մեր, օրերի ծրագրով՝ հրապարակներում, պուրակներում, դահլիճներում, սրահներում, հայրենագիտական մեր թափառումներում․․․

Նոյեմբերի 19-ին, շաբաթ օրը, մեր տոնախմբությունն է Մայր դպրոցի Մարմարյա սրահում, ծիսական հարիսան կրթահամալիրի Արևելյան, Արևմտյան, Հյուսիսային և Հարավային դպրոց-պարտեզներում, մեր խառնարան Միջին ու Ավագ դպրոցներում, Քոլեջում, Կենտրոնում, Ագարակում․․․ Մինչ այդ, վաղվանից մեր հարիսայի պատրաստությունն է՝ ուսումնական թթուդրեքով, Տոնի գինու ընտրությամբ ու շշալցումով․․․ Տոնին-Օրերին  ընդառաջ գնանք մեր գործերի-ներկայացումների-ուրախությունների պատրաստումով, կենցաղային կիսատ-պռատը վերացումով, Տոն-ական տրամադրությամբ ու իրարանցումով, իհարկե։ Մնացյալը` ձեր անելիք-որոշելիքը, Տոնին-Օրերին անհատական-ընտանեկան բաց դռներով ինքնարտահայտվելու համար:

Մայր դպրոցի աշնան վարդեր:
Լուսանկարները՝ Նունե Խաչիկօղլյանի:

Շնորհակալ եմ․ ինձ հնարավորություն տվեցիք հոկտեմբերը դարձնել անձնական-ընտանեկան՝ Երուսաղեմի ուխտով, Շուշան Բլեյանի հետ Վիեննա-Պրահա թափառումով․․․Նոյեմբերն իմն է՝ ամբողջությամբ, ձեզ բոլորիդ, Տոնին-Օրերին իմ լիարժեք-խոնարհ ծառայությամբ։ Հրամայեք՝ ի կատար։

Ջուրն ու կիտրոնը լավագույն ըմպելիքն են առողջության ու գեղեկության համար․ նաև նվազեցնում են սթրեսներն ու ընկճախտը։ Հեղինակային  մանկավարժությունը, հայտարարված սկզբունքներին հավատարիմ իրագործելու պայմանով, լավագույն թերապիան է մեր երեխաների ու նաև մեզ համար, կրթահական աշխարհ Մխիթար Սեբաստացի կրթահամալիրը՝ երկրագործության մեր վարձքը․․․ Տոնը` Օրերը, շաբաթը, նոյեմբերի 14-ով մեկնարկող մեր օրացույցում հենց դրա համար է անձեռնմխելի-սպասված, որպես մեր մոբիլություն-ստեղծականություն-համերաշխության Ստուգատես․․․

Տաթև Բլեյանի որդի երկու ամսական Վահան Սերոբյանը:
Լուսանկարները՝ Տաթև Բլեյանի:

#826