Սեբաստացիներ, որ պատրաստվում եք Հանրապետության օրվա առթիվ նվաճելու Հայաստանյայց բարձունքները, որպես ամենամյա տոնական նախագիծ.

Եղանակի տեսաբանները, հիդրոմետ ծառայությունները` Հայաստանի և արտերկրի, տեղեկացնում են, որ երեկ-այսօրվա քամին, որոտ-կայծակն ու անձրևը Հայաստանում են անցկացնելու մեզ համար տոնական շաբաթ-կիրակին։ Գարնան անձրևից հո չե՞նք բողոքի, թող բարիք բերի, կարկուտի դեմ կռիվ չենք տա։

Մենք մայիսի 28-29-ը կդարձնենք ճամբարի նախապատրաստական օրեր` դպրոցներում թե մեդիայում` բարձունքների նվաճման նախագծերը հետաձգելով մինչև հունիսի 2-ը։

Հունիսի 1-2-ի «Հակաբացիլ Կոմիտաս» ամենամյա նախագծի տոնական հավաքներից հետո, համեցեք, հունիսի 2-ին, 2-ին թե 4-ին խմբերով ճանապարհ ընկեք դեպի ձեր որոշած գագաթները` մեկ օրով, երկու թե երեք։ Օգտագործեք ժամանակը ավելի լավ ներկայացնելու համար ձեր նախագիծը ձեր բլոգներում, կայքում, լրացնելու ձեր հանդերձանքի, արշավական պարագաների պակասը, պայմանավորվելու ձեր ընտրած տարածքի դպրոցի հետ, ներգրավելու ձեր նախագծում այլոց, բարձունքի նվաճման նոր հայտ ներկայացնելու։