Հավաքը ոչ միայն ընթացքի մեջ է, հավաքը թափ է առնում, մտնում իր պատրաստության ավագ շաբաթը։ Ապրիլի 25-30-ը արդեն մեր աշխատանքների կոնկրետացման, հրապարակումների ժամանակն է։
- Յուրաքանչյուր սեբաստացի ուսուցիչ, սովորող, խումբ, ընտանիք այս փուլում խմբագիր-հրատարակիչ է, որը.
- որպես հեղինակ՝ իր բլոգում հրապարակում է հավաքից հավաք իր անհատական, խմբային գործունեության արդյունքների հաշվետվությունը,
- որպես խմբագիր, թարգմանիչ, խորհրդատու, գրախոս՝ մասնակցում գործընկերների-ընկերների ստեղծած նյութերի հրապարակմանը։
- Դպրոցների, ուսումնական կենտրոնների, մասնախմբերի, նախագծերի ղեկավարները փաթեթով հրապարակում են 2016թ. իրականացվող ուսումնական նախագծերը՝ իրենց նկարագրություններով, անհրաժեշտ նյութերով ու նախապատրաստական աշխատանքով, գծագրերով, աշխատակարգով.
- կանաչապատման-բարեկարգման-նյութական միջավայրի բարելավման.
- կրթական փոխանակումների, հանրակրթական կամուրջների
- ամառային նախագծերի, ճամբարների
- ինքնասպասարկման-ինքնաջակցման-պահպանության-գործարկման
- քաղաքացիական կրթության այլ նախագծեր։
Հավաքի ավարտին ունենանք 2016-2017 ուստարվա ուսումնական նախագծերի, խնդիրների ժողովածու, ժողովածուի նախագիծը։
- Մայիսի 2-5-ին ներկայացնում ենք հեղինակային կրթական ծրագրերը 2016-2017 ուստարում՝ բովանդակության (ուսումնական պլանների), միջավայրի, կազմակերպման փոփոխությունները գործողության մեջ։
