ՀՀ պետական չափորոշչով «Հայ եկեղեցու պատմությունը» որոշված է որպես «Հասարակական գիտություններ» բնագավառի առարկա՝ նախատեսված 5-9-րդ դասարաններում, ավագ դպրոցում (հումանիտար հոսքում)։ Կրթահամալիրում այդ առարկայի բովանդակությունը ներառվում է տարբեր դասընթացների (Հայոց լեզու, Հայրենագիտություն, Գրականություն, Երաժշտություն, Պատմություն, Արվեստ) ծրագրերում և ուսումնական նախագծերում։ Այս ծրագիրն այսօր, իր ընթացքով, հանրային արձագանքով,  մի վիճակում է, որ դրա զարգացումը պահանջում է նրանում ընդգրկված աշխատողների մասնագիտական զարգացման ավելի հետևողական կազմակերպում, պարտականությունների կոնկրետացում-հստակեցում։ Այստեղից անհրաժեշտ եմ համարում կրթահամալիրի աշխատողների մասնագիտական զարգացման ծրագրում 2016թ. փետրվար-հունիս ամիսներին ներառել հետևյալ դասընթացները.

  • «Ընթերցում ենք Կտակարան քահանայի հետ». պարապմունքները՝ երկուշաբթի, ժամը 14.00, տևողությունը մինչև 60 րոպե.
    դասընթացը վարում է Սուրբ Երրորդություն եկեղեցու քահանա, կրթահամալիրի խորհրդի անդամ տեր Զենոն քահանան.
  • «Աստվածաշնչի ընթերցում». պարապմունքները՝ ուրբաթ, ժամը 14.20, տևողությունը՝ մինչև 50 րոպե. վարում է «Վեմ» ռադիոյի «Հոգևոր զրույցներ» հաղորդման հեղինակ Արաքսյա Պողոսյանը։

Մանկավարժության լաբորատորիայի առաջարկով հաստատում եմ մասնակիցների ցուցակը։ Մի խմբում ընդգրկված աշխատողը, իր ցանկությամբ, կարող է մասնակցել նաև մյուս դասընթացի պարապմունքներին։ Դպրոցների ղեկավարներն այդ աշխատանքը կներառեն աշխատողների անհատական պլաններում, կկատարեն համապատասխան փոփոխություններ դասացուցակներում, ամենօրյա վերահսկողություն կսահմանեն ծրագրի իրականացման նկատմամբ, կցուցաբերեն անհրաժեշտ օգնություն։

Մյուս մանկավարժական աշխատողները, որ այս փուլում ընդգրկված չեն վերապատրաստման նախագծում, իրենց նախաձեռնությամբ կարող են միանալ խմբերից մեկին կամ երկուսին։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Explore More

Սուրհանդակ՝ ձյունով 

Ձյան բերած առաջին սուրհանդակը Ձնախառն սուրհանդակ Ուրի՜շ… Ուռա՜, ձյունը ձմեռ է բերել ու նոր հոգսեր, որոնք պիտի դառնան ամենօրյա ուսումնական աշխատանք: Անվտանգ, մաքուր աստիճաններ մեր կրթական աշխարհում, ամենուր. հատկապես՝ դպրոց բերող

Դպրոցների նորաստեղծ ճիմապատ տարածքների ոռոգումը և պահպանությունը պատշաճ կազմակերպելու մասին

Դպրոցների հարգելի ղեկավարներ, դասավանդողներ, այլ աշխատողներ. Դպրոցների նորաստեղծ ճիմապատ տարածքների ոռոգումը և պահպանությունը հատուկ ուշադրության կարիք ունեն, հատկապես որ, ինչպես տեղեկացանք, առաջիկա չորս օրերին ոռոգման ջուր չենք ունենալու: Հիշեցնեմ, որ ճիմապատված

«Ցտեսություն-ցնծությունը» սեբաստացիական տոն է

Կրթահամալիրի Ավագ դպրոցի հարգելի շրջանավարտ, ծնող, դասավանդող, տնօրեն, սեբաստացիներ բոլոր տարիքի, որտեղ որ եք Մայիսի 27-ին՝ ժամը 11.00, Մայր դպրոցի Մարմարյա սրահում սկսվում է 2015-2016 ուսումնական տարվա 12-րդ դասարանի շրջանավարտների