Սեբաստացիներ, բոլոր տարիքների.
2016թ. փետրվարի 1-ին ֆիզիկական միջավայրում վերսկսվում են բնականոն ուսումնական պարապմունքներն ամբողջ կրթահամալիրում, բոլոր կրթական ծրագրերի ողջ ծավալով` սկսած 2-4 տարեկանների խմբերից, այդ թվում` նաև երկարօրյա ուսուցում, ընտրությամբ և լրացուցիչ ուսուցման պարապմունքներ: Դպրոցների, քոլեջի ղեկավարները ապահովում են սահմանված ջերմաստիճանը կաբինետներում, ուսումնական պարապմունքների համար որոշված սրահներում, արվեստանոցներում, լաբորատորիաներում: Հրապարակում եմ ուսումնական պարապմունքների միասնական ժամատախտակը, սովորողների փոխադրման միասնական երթուղիները, փետրվարի ուսումնական օրացույցը` իր ստուգատեսներով, ձմեռային ճամփորդություններով, հանրապետական առարկայական օլիմպիադաներով….
mskh.am-ի ենթակայքերում հրապարակված են նախադպրոցական և երկարօրյա ուսուցման խմբերի` փետրվարի 1-12-ի ճաշացուցակները, 2015-2016 ուսումնական տարվա 2-րդ կիսամյակի դասացուցակները`
Փետրվարի 1-ին, ժամը 18.00, ավարտված կլինի հեռավար-առցանց ուսուցման արդյունքների, 2015-2016 ուստարվա առաջին կիսամյակի ամփոփումը, որ դպրոցների ղեկավարները սահմանված կարգով կհրապարակեն, դասավանդողների, սովորողների բլոգներում, կայքում և ենթակայքերում սահմանված կարգով կհրապարակվեն հաշվետվությունները:
Բոլորին բարի ուսումնական շաբաթ, որը կավարտվի տոնական-ստուգատեսների մեկնարկի «Ղափամայով»: Առջևում փետրվարյան հանրակրթական ստուգատեսներն են` իրենց բազում անվանակարգերով և մրցանակներով…
