Լավ է, որ վերականգնվում է կապն օրագրի իմ ընթերցողի հետ. հարցերն ուղիղ իմ էլեկտրոնային փոստով, ֆեյսբուքյան էջով թե ձեր միջոցով փոխանցված, առերես՝ հեծանվային, գագաթ բարձրանալիս թե ոտքով ճամփորդելիս կրթահամալիրի Բանգլադեշում, ընթերցողի ոչ մի հարց անպատասխան չի մնում, ես գրանցում եմ ու անդրադառնում առանց հետադարձ կապի՝ արդյոք կարդա՞ց հարցատերն իմ պատասխանը, թե՞ ոչ։ Ի՞նչ ասել է՝ հարցի տեր, երբ հարցը հնչել է որևէ ձևով ու հասել հասցեատիրոջը…
Կիրակնօրյա ընթերցարանն ու նրա հետի գիրը ստեղծվում են շաբաթվա ընթացքում, ինչպես այս՝ իմ 470-րդը դարձողը, հոկտեմբերի 18-ի կիրակնօրյան:
Երեխայի ինքնագնահատականը կախված է ընտանիքի ղեկավարից… Ըստ մասնագետների՝ ցածր ինքնագնահատականը հանգեցնում է դեպրեսիաների և հակահասարակական վարքի: Այն նաև կապված է անհանգստությունների, ագրեսիայի և կաշկանդվածության հետ: Արևմուտքում երեխային խնամում և դաստիարակում են հիմնականում (կռահեˊք)… մայրերը, իսկ Արևելյան մշակույթում ընտանիքի ղեկավար են հանդիսանում (կռահեˊք)… տղամարդիկ: Հայրերը ոչ միայն փող են վաստակում, այլ նաև դաստիարակում են երեխաներին: Հայերը Հայաստանում ո՞ր մշակույթի կրողն են՝ դաստիարակության առումով, իսկ սեբաստացի ընտանիքնե՞րը. հարցնում եմ… Թե չէ, հարցերին պատասխանողի կարգավիճակն ինձ կփչացնի, ափսո՜ս եմ…
Միջին դպրոցի ֆոտոլրագրողները։ Լուսանկարները՝ Անի Սարգսյանի
Նոր դպրոցի 4-5-րդ դասարանցիների կինո-ֆոտոգործի խումբը պատրաստվում է ցուցահանդեսի։ Ղեկավար` Անի Սարգսյան:
Լուսանկարները՝ Արամ Պետրոսյանի
- Ըստ Մոնրեալի համալսարանի մասնագետների կամավորներն ավելի լավ են հիշում բառերը մյուսներին սովորեցնելիս, արտասանությունն ու խոսքն օգնում են տեղեկությունը պահպանել հիշողության մեջ:
- Ինքնավստահությունը բարձրացնում է աշակերտների առաջադիմությունը:
- Ինչպես երեխային սովորեցնել նկարել…
- ՄԻԵԴ-ը վարույթ է ընդունել Շանթ Հարությունյանի և ընկերների գործը…
- Ինչու է գազարի հյութն ամենաօգտակարը:
- Վայրեր, որտեղ աշունն անհավատալիորեն հիասքանչ է:
- Տոյոտան գրոհում է Տոկիոյի ավտոսրահը միանգամից 3 կոնցեպտներով:
- Աշխարհի ամենահայտնի առևտրային փողոցները:
Անհամբերությամբ թերթեցի՝ Մալաթիայի տոնավաճառը (Րաֆֆու փողոց) կամ Սվաճյան փողոցն այս ցանկում գտնելու համար… Ավա՜ղ… Դուք էլ ստուգեք՝ հանկարծ վրիպած չլինեմ, կամ այլ անունով հանդես եկած չլինի մեր Բանգլադեշի փողոցներից մեկը. մի՞թե այդքա՜ն հանրահայտ չենք… - Մոցարտի նամակն աճուրդում վաճառվել է 217 հազար դոլարով… Հենց նոր կարդացի… Լավ է, իհարկե: Տխրեցի. Արթուր Շահնազարյանն այդպես էլ չկարողացավ Կոմիտասի ձեռագրերի համար ընդամենը մի քանի հազար դոլար գումար գտնել, չնայած ես էլ, ինքն էլ այդ խնդրով դիմել էինք տասնյակ ամենահարուստ մարդկանց… Էլ ի՞նչ աներ Կոմիտասը, որ իր ձեռագրերն էլ, ինչպես Մոցարտինը, շուկայական արժեք ձեռք բերեին։
- Ուկրաինան հունվարի 1-ից ՄԱԿ-ի անվտանգության խորհրդի ոչ մշտական անդամ կդառնա: Հարյուր յոթանասունյոթ կողմ քվե ստացած այս որոշմամբ Ուկրաինան Արևելյան Եվրոպայի միակ թեկնածուն էր: Տեսե՛ք՝ ինչպիսի՜ միջազգային աջակցության է արժանանում երկիրը:
- Իսրայելցի ինժեները մշակում է ցամաքային առաքման ավտոնոմ ծառայություն… Սա «մեր հալ, քո հավես» շարքից չէ, այլ «Ռոբոտիքս»-ի իմ օրագրի ընթերցողներին ուղղված… ժեստ… ինչպես և այս մեկը՝ «Մեծ Բրիտանիայում բաց հասանելիությամբ հրապարակվել է երկրի տարածքի 3D մոդելը», կամ սա՝ Կանադայում դպրոցականները կատվի համար 3D տպիչով սայլակ են պատրաստել:
- Ամենահին և ամենավտանգավոր (ղարաբաղյան) հակամարտությունը կրկին արթանանում է:
- Եթե Հայաստանի էլեկտրական ցանցերի (ՀԷՑ) պրոբլեմները չկարողացավ լուծել…
- Միաժամանակ, լայն, անկեղծ ժպիտը կյանքը երկարացնում է միջինում յոթ տարով, իսկ «կեղծ» ժպիտը ոչ միայն դրական չի ազդում առողջության վրա, այլ նաև կարող է վնասել՝ զգուշացնում են հոգեբանները:
Իսկ կրթահամալիրում ուսումնական արձակուրդը մեկնարկել է: Ահա, Սոնա Փափազյանի ֆոտո-հաղորդումը Լոռիից:
#470