Մարկոսյան Թադևոս
Այս նախագիծն ստեղծվել է ամռանը երեխաներին օգտակար կերպով զբաղեցնելու նպատակով:
Նախագծի միջավայրը` աստղացուցարան, «Ռոբոտիքս» խաղասրահ, շախմատի խաղասրահ, ծրագրավորողների խումբ։
Աստղացուցարանը կներառի տիեզերքի մասին ֆիլմեր և լրացուցիչ տեղեկություններ: Այս աշխատանքի շարունակությունը կարող են լինել նաև աստղադիտակով դիտումները կրթահամալիրում և քաղաքի դիտման համար հարմար այլ դիտակետերում:
Ռոբոտիքս խաղասրահը ներառում է ռոբոտների հետ խաղային զբաղմունք: Շնորհիվ դրա մենք կստեղծենք ռոբոտների հետ աշխատելու մակարդակ և հետագայում կկարողանանք լիարժեք մասնակցել Ռոբոտների մրցույթներին (խոսքը վերաբերում է նրան, որ սովորողներն իրենք կլուծեն մրցույթներում առաջարկվող տարբեր խնդիրները, այլ ոչ թե դասատուն կլուծի, իսկ իրենք կներկայացնեն):
Շախմատի խաղասրահը ներառում է ոչ միայն խաղեր, այլ նաև տարբեր իրավիճակում հետաքրքիր լուծումների առաջարկ, որի շնորհիվ կզարգանա մարդու տրամաբանությունը և նոր լուծումներ փնտրելու կարողությունը: Հետագայում խաղասրահի մասնակիցները կմասնակցեն ոչ միայն կրթահամալիրում, այլ նաև քաղաքի ուրիշ տեղերում կազմակերպվող մրցույթներին: Կարող են նաև իրենք կազմակերպել մրցույթներ հանրային վայրերում (զբոսայգիներ):
Ծրագրավորողների խմբի մասնակիցները ոչ միայն կսովորեն նոր, հետաքրքրաշարժ ծրագրեր, այլ նաև կպահպանեն, կվերականգնեն, կզարգացնեն իրենց գիտելիքները այդ ոլորտում: Բայցի այդ ծրագրավորողների խմբում կզբաղվեն նաև ինտելեկտուալ և ծրագրավորման խաղերով:
Աշխատանքի կազմակերպումը տրվում է սովորողներին, իհարկե մասնագետների ղեկավարությամբ:
