Ում, ինչը, ինչպես գովենք․․․
Ինձ համար կարևոր է առանձնակի՝ ի՞նչ է կարդում, դիտում—լսում, փոխանցում սեբաստացի մանկավարժական աշխատողը, ծնողը․․․ Երբ նման նյութերը հասնում են ինձ, ես բաց չեմ թողնում, հատկապես, երբ իրենց չափով—ձևով տեղավորվում են իմ ժամանակի—ռեժիմի մեջ․․․ Ա՛յ, ինչպես, այս մեկը․ Կաբալայի միջազգային ակադեմիայի հիմնադիր, դոկտոր Միխայել Լայտմանի հետ Սիմյոն Վինոկուրի հեղինակային հաղորդման՝ «Դպրոց պիտի չլինի» զրույցի արձագանքները բաց չեմ թողնում։ Օրը սկսում եմ դիտելով. շնորհակալ եմ Արմինե Թոփչյանին․․․ Շարունակությունը գրանցված մասնակիցների համար Բլեյան ցանցով մանկավարժական ակումբի առաջին պարապմունքի սղանյութի դիտումն է․․․ Մեկ է, 90 րոպեն, որքան էլ մասնակիցները—կազմակերպիչները ջանացին խնայել իրար ժամանակ, շատ է անդրադարձի համար, իսկ ա՛յ, Արմինե Թոփչյանի ստեղծած 20 րոպեանոց նյութի լսումը հեշտությամբ հաղթահարեցի․․․ Փորձե՛ք։
Գովեմ, գովեմ, ո՛ւմ գովեմ, Արմինեի գովքը ավարտելուց հետո։ Արմինե Աբրահամյանին գովեմ․․․ Այդպիսի եզրակացության եկան Շուշան ու Լիլիթ քույրերը երեկ մեր տանը, երբ հավաքվել էինք Շուշանիկ Բլեյանին բարի վերադարձ ասելու համար։ Լիլիթը մեզանում ընդունված փորձագետ է որակի գնահատման հարցում, Շուշանն Եվրոպայի ճաշակներից էլ, դե, երկար բացակայած, տարիների ընթացքում որպես նշաձող ունեցող մեկը, երեկ գովեցին Արմինեին Դավիթ եղբոր ու Աստղիկ քույրիկի համար․․․ Պարզվում է՝ նրանք փոխանցում են նաև Շուշանի գալստյան առիթով ավանդական քույրիկական—աղջկական հավաքի եզրակացությունը․․․ Իրենց Դավիթ եղբորն այս պատվելի աստղաբույլը, Նազենի աստղ Հովհաննիսյանի մասնակցությամբ, առանձնացրել է․․․ Սիրում են Դավիթ ժառանգին, անաչառ, խիստ, ամբողջական հայացքով—զննությամբ․․․
Դավիթ Բլեյանի հետ երեկ Այրուձիի ճանապարհին խոսում էինք Չարենցից. սկսված ընթերցումներին ի՛նչ նոր խոսք ասենք մեր չափով՝ նշանավոր հայր ու որդի․․․ Առաջին պայմանավորվածությունը կայացավ՝ միասին կարդում ենք Չարենցի Կապուտաչյա հայրենիքն ու Դանթեական առասպելը․․․ Առաջինին մղեց Դավիթն ինքը՝ Տաթև քույրիկին նվիրված «Հայրենքում» գողտրիկ գործով, Դանթեականը եկավ—հառնեց Վարդ Սիմոնյանի այս հրապարակումով, Դավիթ Բլեյանի խորքային ընկալումով․․․ Գիր է ու չի կարող չմղել—չկազմակերպել նաև այսպիսի փորձարարություն։ Վտանգավոր ու հեշտ է, մի տեսակ ձանձրանալը, սովորական—աննկատ մնալը։ Թույլ չտա՛ք, ընթերցող ու ստեղծող, մեզ համար ենք անում․․․
«Ձոն» տեխնոլոգիական ստուգատեսի զարգացումները խթանում են նաև այսպիսի ձյունը հանրապետությունով մեկ ու շեշտակի ձնհալը՝ ջերմաստիճանի տաքացումով պայմանավորված․․․ Մարտը թռավ այս արանքում, մարտի 22-27-ի Ծառազարդը չոքեց մեր առաջ․․․
Ինձ ուրախացնում են ստուգատեսով նախատեսված, օրացույցով որոշված նորամուտները՝ ճիշտ ժամանակին, ուրախ, աշխատանքային անմիջական ընթացքով․․․ Բրուտանոցի ծավալուն աշխատանք պահանջող կրկնամուտը՝ իր դրսով—ներսով, երկու մուտքերով, սանհանգույցով, նախանձ շարժող, նոր ու հարմար սեղան—աթոռներով, թարմություն—հարմարավետություն կհաղորդի։ Վարպետ Մովսեսը մեր քոլեջի ուսանող Վահե որդու հետ (տեսեք՝ քոլեջն իր արտադրական ուսուցմամբ ո՛նց առաջ մղեց) արժանի աջակցություն ստացավ միջին դպրոցից, կրթահամալիրի տնօրենի աշխատակազմից․․․ Ես որ անհամբեր եմ, «Այրուձիի» հիմնադիր Գագիկ ընկերոջն էլ հրավիրել եմ․․․ Մինչև այդ աշխատանքային խումբը՝ Դավիթ Պետրոսյան, Էդմոնդ Փաշինյան, Դավիթ Քոչունց, թող այցելի Գագիկին՝ մի շարք առաջարկներ տեղում ուսումնասիրելու պահանջով․․․
#2013