Սիրելի սեբաստացիներ, Բլեյան բաց դպրոցի-հեղինակային կրթական ծրագրի օրացույցի  ամենահուզիչ-ոգեշնչող կետերից է Հանրապետության տոնին՝ մայիսի 28-ին հանրապետության բարձունքների նվաճման ամենամյա ֆլեշմոբը՝ անմոռաց մասնակիցներից յուրաքանչյուրի համար։

Գագարին պրոյեկտով սկսված-ծավալվող Համբարձման խաղերը-մաքրությունը, մեր անընդհատ հիացումը Սևանով, Հրազդանի ավազանի սար ու ձորով, քար ու քարափով, թելադրում են, որ սեբաստացիները դասարանով, խմբով արագ կապվեն Գագարին պրոյեկտի ընկերների՝ դասարանի, խմբի հետ, համատեղ մշակեն «Հայացք բարձունքից» իրենց նախագիծը, վերելքի գնան, հասակակիցներով-ընկերներով միասին քայլեն, հիանան, վայելեն-խնամեն մեր մի բուռ հայրենիքը։ Վստահ ենք, որ «Դար հիմնադրամը, Արսեն Աղաջանյանը, ինչպես Համբարձման խաղերի-մաքրության դեպքում, առջևից կգնան։

Աշոտ Բլեյան
Սուսան Մարկոսյան

#2063