Իմ գիրը հիմա գրվում է արագ, ավելի ու ավելի արագ, մինչև մեկ ժամում… Ստուգում եմ. այս անգամ՝ 50 րոպե։ Հա՛մ ընթերցանությունից է առանձնացված, հա՛մ քիչ եմ կարդում, հա՛մ… դադարներն են քիչ: Կա՞ օրվա գրի որակ ասվածը. ընթերցողը երևի կիմանա։ Իսկ այս մեր օրերում մեր ընթերցողից ինչպե՞ս իմանաս… սեբաստացի-ոչ սեբաստացի,… ես չգիտեմ: Ավելի հեշտ է պարզապես շարունակել գիրը՝ որպես բարեխիղճ մի աշխատանք, սկսել իմ օրը գրով այնպես, կարծես գնում ես գործի…
Ինձանից կախվածն արեցի, որ ուսուցիչների խումբը Նառա Նիկողոսյանի առաջնորդությամբ-նախաձեռնությամբ, միջին և ավագ դպրոցի սովորողների խումբը Բուշ Լուսինեի, Ջուլի—Վարդի խանդավառությամբ, մայիսյան տոնական օրերին Արցախում, արցախցիների հետ լինեն: Ինձ համար եղել և մնում է սկզբունքային, որ սեբաստացիները հյուրընկալվեն արցախցիների, այս անգամ՝ Ստեփանակերտի իրենց հասակակիցների ընտանիքներում, հաստատեն անհատական-ընտանեկան երկարատև կապեր. այո, սա ուսումնական նախագծի սկզբունքային հատկանիշն է, որի բացակայությունն այլ՝ ոչ ուսումնական-զբոսաշրջային է դարձնում ճամփորդությունը:
Արևելյան դպրոց-պարտեզի գարնանային առօրյան…
Լուսանկարները` Հասմիկ Թոփչյանի:
Ուրախ եմ Շուշիի նորաստեղծ տեխնոլոգիական համալսարանի հետ սրանով կրթահամալիրի գործընկերության լրջացման-խորացման համար: Ռեկտոր Հովհաննես Թոքմաջյանի հետ ինձ կապում է Արցախյան շարժումը, մենք ընկերներ ենք. մեր հեղինակած մանկավարժության իր իմացումը-դրա նկատմամբ հարգանքը նպաստավոր է երկու կարող անձերի ներդրումների համար: Կարևոր է, որ Արցախի կրթության և գիտության նախարարությունը շարունակում է ուշադիր լինել, որ Արցախի հետ մեր հանրակրթական կամուրջները բանուկ մնան։
Շուշիում մենք ունենք ընդհատված նախագիծ, «Ավերակները շշնջում են» օրինակ, ու 2017-ի այցելություններով, մեր իրական-շարունակական-խորացող գործընկերությամբ այս նախագծերը հունիսյան-ամառային շրջանում կենդանացնող խթաններ են ստանում: Բարի ընթացք: Իսկ Արցախի՝ Ստեփանակերտի 9-րդ դասարանցիների հետաքրքրվածությունը «Գետը քաղաքում» նախագծով, մեր Ագարակ-գյուղացիական տնտեսությամբ, նորաթուխ-բնապահպանների վերջին այցելության տպավորությունները-դեմքերը, տեսեք, թարմ են… Ինչո՞ւ չօգնենք, որ Ստեփանակերտի մի դպրոցում, Շուշիի տեխնոլոգիական համալսարանի մասնագիտական աջակցությամբ, նման ուսումնական կենտրոն ստեղծվի:
Բանավոր մաթեմատիկա առաջին դասարանում
Լուսանկարները` Հռիփսիմե Առաքելյանի
Մայիսյան հավաքն իր, պայմանական բաժանենք, կրթահամալիրային և նախարարության հատվածներով՝ որպես հեղինակային մանկավարժություն ծրագրի արդյունքների հանրայնացման-գնահատման հարթակներ, պատշաճ ներկայացված է և՛ պատվիրատու նախարարությանը, և՛ պատվիրատու բաց հասարակությանը: Թվով 12-րդ այսպիսի հավաքը, որ ինքնին եզակի է մանկավարժության մեջ իր ամբողջական ներառականությամբ – բացությամբ, այս տարի և բացօթյա է, որպես մայիսյան գրավիչ-ակտիվ շրջայց, ուսումնական ճամփորդություն: Նոր է և ԿԳ նախարար Լևոն Մկրտչյանի նախաձեռնությամբ հավաքի ամփոփումը նախարարությունում. մեր մանկավարժության պատվիրատուն սրանով Երրորդ հանրապետության պատմության մեծ թվով ուսուցիչ հետազոտողների ստեղծած հավաքական բրենդը՝ հեղինակային մանկավարժությունը, իր առանձին արդյունքներով-մասնաճյուղերով Երևանում-հանրապետությունում տարածելու կարևոր նշան է տալիս: Շնորհակալ ենք, մենք պատրաստ ենք այս վճռական-տրամաբանական շրջանում մեր խաչը պատվով-պատշաճ տանելու: Կարևոր է, որ մեր մանկավարժության նախակրթարանային, նախնական ուսուցման փուլը պատվիրատուի բնակավայրին ավելի մոտ դարձնելու, կրթահամալիրի Բանգլադեշում իր կենսունակությունը-պահանջարկը տարիներ շոշափելի հաստատած դպրոց-պարտեզը մայրաքաղաքի արվաձաններում հայտնվելու մեկնարկ դարձնի մեր հավաքը: Հավաքի ծրագրով հունիսի 18-ին մեր Հարավային դպրոց-պարտեզը՝ որպես սրա հաջողված պիլոտային ծրագիր, կներկայացվի, ու կարևոր է բոլոր նախաձեռնող խմբերի-անհատների շահագրգիռ մասնակցությունը:
Կերպարվեստ-դիզայնի ընտրությամբ գործունեության խմբի աշխատանքները…
Լուսանկարները` Հասմիկ Թոփչյանի
mskh.am-ն այս օրերին իր ողջ զորությամբ առցանց պիտի բավարարի հասարակության՝ իր ընտրությամբ մեդիայում կարդացող-դիտող-քննարկողի՝ մեր մանկավարժությամբ հետաքրքրվածի պահանջը: Օրերն են այդպիսի, բոլոր կարգի սեբաստացիներ, ես՝ մի ձեռքով-ոտքով ու առանց հեծանվի, մեծ թվով սեբաստցի ծնողներ, սովորողներ, ընտանիքներ՝ ընտանիքով-դպրոցով հայրենագիտական ճամփորդությունների մեջ, իրենց գյուղացիական-այգեգործական տնտեսություններում, անմահանա, սեղանին՝ մայիսյան 12–րդ հավաքի ուղեցույցը, կոնկրետ-նախաձեռնող անցնենք հավաքի պատրաստության – հաջողության համար այս վճռական շրջանը… mskh.am-ի գլխավոր խմբագիրը, մեդիագրադարանի ղեկավարը, մանկավարժության կենտրոնն ու դպրոցական կայքերի, անհատական-խմբային բլոգների խմբագիր սեբաստացիները չեն կարող այս օրերին պարտիզպանի բարեխղճությամբ-կոնկրետությամբ կարգի չբերել իրենց ուսումնական վիրտուալ տարածքները, այնպես որ ամենուր սեբաստացիական աշխարհում մայիս-գարուն լինի… Իմացումի-առաջադիմության իսկական տոն…
Ա՜խ, գարուն է, գարուն է,
Ջա՜ն, գարուն է գարուն է…
Ինչպես մեր սիրված այս երգում:
Եվ իմ սրտով է, որ «Գետը քաղաքում» նախագծով ճամփորդությունների ձայները չեն լռում, չեն լռելու Հրազդանի՝ մայրաքաղաքի ու այլ քաղաքների հուներով մեկ։ Այս մասին իմ կարևոր խոսքը կշարունակեմ իմ վաղվա գրում…
#1029