Նախագծային ճամբարի 2-րդ շաբաթը կրթահամալիրում
Կրթահամալիրի դպրոց-ճամբարի՝ հունվարի 16-ի, 17-ի, 18-ի, 19-ի, 20-ի աշխատանքային ծրագիրը-աշխատակարգը, նախագծային խմբերի, ջոկատների օրվա անելիքը խնդրում եմ համապատասխանեցնել այս բովանդակությանը.
- դպրոցի գիտագործնական հավաք.
- մյուս բոլոր դպրոցների կլոր սեղաններին մասնակցություն (կլոր սեղանին՝ 3-5 հոգի՝ սովորող և ուսուցիչ).
- գիտագործնական հավաքի մեդիագրադարանի նյութերին ծանոթացում-արձագանք.
- Հանրակրթական Դիջիթեք, բնագիտատեխնիկական, մարզական ստուգատեսների հայտերի վրա աշխատանք, հրապարակում (ամեն մեկի հայտի, ջոկատի, խմբի հայտերի գրանցում).
- հավաքի ծրագրով համերգների մասնակցություն.
- դպրոցում ստուգատեսային ֆիզիկական և մեդիա միջավայրերի ամբողջացում.
- 2016-2017-ի 3-րդ շրջանի անհատական պլանների մշակում.
- հավաքի ուրբաթի-ամփոփման նախապատրաստում-մասնակցություն։
Խնդրում եմ նկատի ունենալ, որ դպրոցների կլոր սեղաններից յուրաքանչյուրը կենտրոնական կլոր սեղան է, հունվարի 16-20-ին այլ կլոր սեղան չկա, և ես, տիար Գևորգը, մանկավարժության լաբորատորիան մասնակցում ենք բոլոր կլոր սեղաններին։
Հունվարի 30-ից սկսվող ուսումնական 3-րդ շրջանի անհատական պլաններ
Կրթահամալիրի խորհրդի հունվարի 12-ի նիստում կրթահամալիրի մասնաժողովի ներկայացմամբ հանրակրթական ծրագրերի ուսումնական պլաններն առաջին ընթերցմամբ ընդունվեցին։ Իմ առաջարկությամբ խորհուրդը հնարավորություն տվեց ճամբարային գործունեության 2-րդ շաբաթում որպես ուսումնական նախագիծ յուրացնել դրանք, անհատականացնել՝ ստեղծելով սովորողի, դասավանդողի՝ ուսումնական 3-րդ շրջանի անհատական պլանները։
Խնդրում եմ մինչև հունվարի 20-ը ներկայացնել դասավանդողների ուսումնական ծանրաբեռնվածությունը 2016-2017 ուսումնական տարվա՝ հունվարի 30-ից սկսվող 3-րդ շրջանի համար, ուսումնական պլանի հետ կապված լրացումները, հարցերը։
Մեդիաուրբաթը փետրվար-մայիսին
Գեղարվեստի երեկվա համերգ-ներկայացման փորձը ունենալով՝ առաջարկում եմ փետրվար-մայիս ամիսների ամենշաբաթյա մեդիաուրբաթների այսպիսի կազմակերպում.
- ամսական մեկը՝ կրթահամալիրի դպրոց-պարտեզներից մեկում՝ որպես հավաք՝ իր ներկայացումներով՝ միջավայրի, ուսումնական նախագծերի, կազմակերպման, արդյունքների, մանկավարժական քննարկումների.
- մեկը՝ արտագնա՝ որպես համերգ-ներկայացում.
- երկուսը՝ Մայր դպրոցում՝ որպես ստուգատեսների-նախագծային առօրյայի ամփոփում կամ մեկնարկ։
Տեսնո՞ւմ եք այսպիսի կազմակերպման համակարգող աշխատողի՝ մեկ կազմակերպչի անհրաժեշտությունը։ Ձեր առաջարկը։
