Երևանի քաղաքապետի առաջին տեղակալ պարոն Կամո Արեյանին
«Հայաստանի էլեկտրական ցանցեր» ՓԲԸ-ի գլխավոր տնօրեն պարոն Ե. Բիբինին
«Հայաստանի էլեկտրական ցանցեր» ՓԲԸ «Արևմուտք» մասնաճյուղի տնօրեն
պարոն Ա. Հովհաննիսյանին
ՀՀ ԿԳՆ Երևանի «Մխիթար Սեբաստացի» կրթահամալիր պետական կազմակերպության Հարավարևմտյան զանգվածի Բ-1 թաղամասի, Առնո Բաբաջանյան 25 հասցեում գտնվող հանրակրթական մասնաշենքի (Մայր դպրոց, նախկին թիվ 183 դպրոց) էլ. սնուցումը, որը կատարվում է Շահումյանի շրջանի Բ-1 թաղամասի թիվ 1397 էլ. ենթակայանից, օգոստոսի 30-ից գտնվում է վթարային վիճակում՝ մեկ ֆազը հոսանքազրկված է: Վթարային վիճակում է նաև էլ. ենթակայանից մասնաշենք մտնող պահեստային կաբելը:
Խնդրում ենք Ձեր հանձնարարությունը՝ վթարված կաբելները շուտափույթ վերանորոգելու, մասնաշենքի էլեկտրասնուցումը ենթակայանից վերականգնելու համար: Մենք միշտ եղել ենք բարեխիղճ բաժանորդ:
Առիթից օգտվելով՝ հրավիրում ենք Ձեզ կրթահամալիր մոտիկից ծանոթանալու մեր առօրյային, մեր խնդիրներին, որոնց լուծումը դժվար է կամ անհնար առանց քաղաքապետարանի գործուն մասնակցության:
Հարգանքով` կրթահամալիրի տնօրեն Ա. Բլեյան
«Երևանի «Մխիթար Սեբաստացի» կրթահամալիր» ՊՈԱԿ-ի տնօրեն պարոն Ա.Բլեյանին
1. Հարգելի պարոն Բլեյան
Ի պատասխան Ձեր 03.09.2014թ. հ.14-09-338 գրության տեղեկացնում եմ հետևյալը։
Հաշվի աոնելով, որ կրթահամալիրը սնող 0,4կվ զույգ մալուխներր չեն գտնվում «Հայաստանի էլեկտրական ցանցեր» ՓԲԸ-ի հաշվեկշոում, ուստի մալուխագծերի շահագործման ն վերանորոգման աշխատանքները պետք է իրականացվեն սեփականատիրոջ միջոցներով։
Երևանի քաղաքապետարանի աշխատակազմի կոմունալ տնտեսության վարչության պետ Կ. Ղազարյան
2. Հարգելի պարոն Բլեյան
Ի պատասխան Ձեր 01.09.2014թ. թիվ 14-09-336 գրության հայտնում ենք, որ ՀՀ կրթության և գիտության նախարարության Երևանի բոլոր դպրոցների՝ այդ թվում Երևանի «Մխիթար Սեբաստացի» կրթահամալիր ՊՈԱԿ-ի Մայր դպրոցի էլեկտրասնուցող եռաֆազ մալուխները հաշվառված չեն մեր ընկերության հաշվեկշռում, հանդիսանում են սպառողների սեփականությունը, ուստի դրանց վերանորոգումը մեր ընկերության պարտականությունը չէ։
Գործող կարգի համաձայն (ԷՄՕԿ 18-րդ կետի 3-րդ ենթակետ) մալուխների վերանորոգումը պետք է իրականացվի Ձեր միջոցներով։
«Հայաստանի էլեկտրական ցանցեր» ՓԲԸ
«Արևմուտք» մասնաճյուղի տնօրեն Ա. Հովհաննիսյան
3. Հարգելի պարոն Բլեյան
Ի պատասխան Ձեր թիվ 14-09-337 առ 03.09.2014թ.-ի գրության հայտնում են Ձեզ, որ «Մխիթար Սեբաստացի» կրթահամալիրը սնող 0,4 կվ զույգ մալուխագծերը չեն գտնվում «ՀԷՑ» ՓԲ ընկերության հաշվեկշռում։
Ուստի, վերը նշված մալուխագծերի շահագործման աշխատանքները պետք է իրականացվի սեփականատիրոջ միջոցների հաշվին, համաձայն ԷՄՕԿ-ի 18-րդ կետի 3-րդ ենթակետի։
«Հայաստանի էլեկտրական ցանցեր» ՓԲԸ
գլխավոր տնօրեն Ե. Բիբին