Հարգելի՛ գործընկերներ,
Սույն թվականի մայիսի 21-ին, ժամը 12:00-ին հրավիրում ենք մամուլի ասուլիսի, որի ընթացքում ՀՀ կրթական ոլորտի ներկայացուցիչները կազդարարեն «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Մամուլի ասուլիսը տեղի կունենա «Մեդիա Կենտրոնում» (հասցե՝ փ. Սարյան, տ. 12, 3-րդ հարկ)։
Ասուլիսի բանախոսներն են «Այլընտրանքային հանրակրթության աջակիցների միության» հիմնադիր անդամները՝
- Արամ Փախչանյան՝ «Այբ» դպրոցի տնօրեն,
- Հայկազն Նավասարդյան՝ ԵՊՀ-ին առընթեր Ա. Շահինյանի անվան ֆիզմաթ հատուկ դպրոցի տնօրեն,
- Աշոտ Բլեյան ՝ «Մխիթար Սեբաստացի» կրթահամալիրի տնօրեն,
- Ռոբերտ Վարդանյան ՝ «Քվանտ» վարժարանի տնօրեն,
- Արա Աթայան՝ «Արեգնազան» կրթահամալիրի ուսուցիչ, ԵՊՀ-ի դասախոս,
- Սերոբ Խաչատրյան՝ կրթության փորձագետ, ԵՊՀ-ի դասախոս։
«Այլընտրանքային հանրակրթության աջակիցների միությունը» ձևավորվել է ՀՀ կրթական ոլորտի մի շարք ներկայացուցիչների՝ ուսումնական հաստատությունների և անհատների նախաձեռնությամբ՝ Հայաստանում այլընտրանքային կրթության զարգացման ու կրթական համակարգի բարելավման նպատակով։ Միության գործունեության հիմքը դրվել է կողմերի միջև ստորագրված հռչակագրով։
Միության անդամները, լինելով տարբեր մանկավարժական մոտեցումների կողմնակիցներ, համոզված են, որ համագործակցության և գաղափարների փոխանակման, ստեղծագործական որոնումների մթնոլորտը կնպաստի ամբողջ կրթահամակարգի զարգացմանը:
Հարցերի համար դիմել՝ «Այլընտրանքային հանրակրթության աջակիցների միության» հաղորդակցությունների պատասխանատու Աննա Եղիազարյանին՝ հեռ. 055 789 784, anna.exiazaryan@gmail.com։
