Հուլիսի 7-ին կառավարության նիստում ՀՀ վարչապետ Հովիկ Աբրահամյանը, անդրադառնալով սոցիալական փաթեթների հանգստի ոլորտում չարաշահումներին, հայտարարել է, որ ժամանակավորապես կկասեցվի սոցիալական փաթեթի հանգստի բաղադրիչը: Այս առնչությամբ «Առաջին լրատվական»— ի հետ զրույցում «Մխիթար Սեբաստացի» կրթահամալիրի տնօրեն Աշոտ Բլեյանը նշեց, որ ժամանակին, երբ կառավարությունը սոցիալական փաթեթը ստեղծեց՝ իր բաղադրիչներով, սա կարծես աշխատավարձի փոխհատուցում էր. բացի նրանից, որ մարդու համար օգտակար էր, դա նաև խթան էր առողջապահության, տուրիզմի ոլորտների զարգացմանը:
«Վերջին՝ առնվազն հինգ տարիներին մանկավարժների աշխատավարձերը չեն բարձրացել»,- մտահոգություն արտահայտեց Աշոտ Բլեյանը՝ հավելելով, որ լավ կլիներ, եթե հրապարակվեր սոցիալական փաթեթների՝ հանգստի ոլորտում կոնկրետ չարաշահումների մասին, հասկանալի լիներ, թե ինչու ենք շտապում:
Ա. Բլեյանի դիտարկմամբ՝ այս պարագայում պետք է սոցիալական փաթեթի հանգստի բաղադրիչով նախատեսված գումարի չափով ուսուցչի, բյուջետային հաստատության աշխատողի աշխատավարձի բարձրացում կատարվի: «Չի կարելի մանկավարժին ստորացնել այս ձևով և ասել՝ դու յոլա գնա, դու ինչ-որ ֆոկուս գիտես՝ ինքդ քեզ և ընտանիքդ արժանապատիվ պահելու»:
Մանրամասները՝ տեսանյութում:
[youtube https://www.youtube.com/watch?v=7XGsftySzFs]
