Շատ կարևոր է, որ մարտի 21-ից, ինչպես նախատեսված է մեր օրացույցում, մեկնարկում է միայն նախագծերով ուսուցման շաբաթը, երբ կրթահամալիրի հաստատություններում՝ Նոր դպրոցում, Դպրոց-պարտեզում, Գեղարվեստում, Հիմնականում, Միջին և Ավագ դպրոցներում, Քոլեջում՝ նախակրթարանի խմբերում, 1-3-րդ, 4-5-րդ, 6-8-րդ, 9-11-րդ, 12-րդ դասարաններում, երկարօրյա, լրացուցիչ կրթության ու մասնագիտական ուսուցման խմբերում-կուրսերում աշխատանքը կրթահամալիրում թե տանը, ուսումնա-հայրենագիտական ճամփորդության ժամանակ դառնում է մասնակցություն ուսումնական նախագծերին, և դպրոցները ինքնին դառնում են նախագծերի կազմակերպիչներ։ Ուսումնական պարապմունքներն սկսում են ժամը 9.00-ին։ Կրթահամալիրի երթուղիներն աշխատում են, ինչպես նախկինում։ Ուսումնական նախագծերը, ինչպես դպրոցի ներսում, այնպես էլ տանը, ճամփորդության ժամանակ, կարող են լինել անհատական, տարատարիք, ներառել կրթահամալիրի այլ դպրոցի, քոլեջի սովորողներին, աշխատողներին։
Նախագծերի ուղղությունները.
- Տեխնոլոգիական ստուգատեսի՝ ընթացող նախագծեր և նոր նախագծերի մեկնարկ՝
— ներքին ու արտաքին միջավայրի բարելավման, ձևավորման, բարեկարգման նախագծեր,
— պարտիզապուրակային, թաղարային, «Կրթական պարտեզ», «Պատշգամբը պարտեզ» նախագծեր,
— կրտսեր դպրոցներում հեծանվային ակումբների ստեղծման, պարապմունքների անվտանգ անցկացման նախապատրաստում,
— լողափերի որոշման, ձևավորման նախապատրաստման նախագծեր… - Սուրբ Հարության տոնի-ծեսի նախապատրաստական աշխատանք՝ ընտանեկան և մարտի 27-ին Սուրբ Երրորդության բակում միասնական տոնը նշելու համար
- ապրիլյոթյան տոնախմբության նախապատրաստության համերգային նախագծեր
- «Կարդում ենք» ստուգատեսի համերգային ներկայացումներ կրթահամալիրում, արտագնա և մեդիատիրույթում
- ռազմա-մարզական խաղերի նախապատրաստում
- կրթահամալիրային շախմատային խաղեր
- ուսումնա-հայրենագիտական նախագծեր, ուսումնական ճամփորդություններ, կրթական փոխանակումներ
- ակումբային, այդ թվում՝ մարզական, նախագծեր
- սովորողի ընտրությամբ գործունեության նախագծեր
- ուսումնական այլ նախագծեր
- «Ցտեսություն» նախագծի աշխատանքներ
- մարտի 25-ի մեդաուրբաթ համերգի նախապատրաստում
- կրթահամալիրի նվիրատվության ֆոնդի ձևավորման նախագծեր։
Բոլոր մանկավարժական աշխատողները, կրթահամալիրի տնօրենը՝ իր ծառայություններով, դառնում են նախագծերի կազմակերպիչներ և աջակիցներ։ Այսօրվանից սկսած՝ նախագծերը սահմանված կարգով հրապարակվում են դասավանդողների բլոգներում, դպրոցների ենթակայքերում։ Յուրաքանչյուր սովորող ընտրում է իրականացվող նախագծերից, կազմում իր անհատական պլանը և մինչև մարտի 20-ը հրապարակում իր բլոգում։ Նախագծերում ընդգրկվում են բոլոր սովորողները՝ 2-4 տարեկանից։ Նախագծերի իրականացմանն առնչվող հայտերը բավարարվում են առաջնահերթության կարգով։
Սովորողների ամենօրյա հաշվառումն անում է նախագծի ղեկավարը և գրանցում դպրոցի հաշվառման մատյանում։ Սովորողը շաբաթվա աշխատանքի արդյունքներն ամփոփում է իր բլոգում։ Նախագիծն ամփոփում է նախագծի ղեկավարը իր բլոգում։
Ընտանեկան նախագծերի ընթացքը, ամփոփումը ներկայացվում են սովորողի բլոգում՝ իր և ծնողի կողմից։