«Կրթության համակարգում փոփոխությունները պետք է լինեն խորքային, դրանց պետք է մասնակցեն շահառուները: Նրանց փաստի առջև կանգնեցնելը փոփոխությունների ամենավատ եղանակն է. դա կհանգեցնի անվստահության մթնոլորտի ձևավորմանը»,-Factor TV-ի հետ զրույցում նման տեսակետ է հայտնում «Մխիթար Սեբաստացի» կրթահամալիրի տնօրեն Աշոտ Բլեյանը` անդրադառնալով Վ. Բրյուսովի անվան համալսարանի, Հայաստանի պետական մանկավարժական համալսարանի և Ֆիզիկական կուլտուրայի հայկական պետական ինստիտուտի միավորման նախագծին:
Աշոտ Բլեյանը խոսում է նաև հանրակրթության խնդիրներից: Նրա համոզմամբ` պետք է բացել ճանապարհը դեպի հանրակրթություն. «Մենք ուսուցիչների արհեստական դեֆիցիտ ենք ստեղծում: Այդ եզրահանգման եմ գալիս ուսումնական պլանները, նորմատիվ ակտերը ուսումնասիրելուց հետո: Օրինակ` կամավոր ատեստավորումը մանկավարժական կրթության անտեսումն է»
Ամբողջական հոդվածը կարող եք կարդալ այս հասցեով՝ https://factor.am/566942.html?fbclid=IwAR24Nk-ZFXfQcilzX-rJ7mRxXSwSpoZqwEoCZbHMBPaf66FfMLRMqse38C8
© factor.am
