Ինչպիսի աշակերտ որ ունենաս, համապատասխան նվերների արժան կլինես… նաև զատկական. հուզեցիր Արաքս Պողոսյան: Նվերների, ուշադրության դրսևորումների (որպես հոմանիշներ ընդունեք) պակաս Ավագ շաբաթում-զատկական Սուրբ Հարության տոնով չունեցա… Ամենաշոշափելին ինձ համար հենց Ավագ շաբաթն էր՝ իր «Հոգևոր Հայաստան» համերգով, Տնօրհնեքով, կիրակնօրյա տոնով, նախագծային ուսուցման ողջ շաբաթով…
Արաքսի նվերը, ահա։
[youtube https://www.youtube.com/watch?v=qliyanm8bW8?rel=0&showinfo=0] [youtube https://www.youtube.com/watch?v=N9La5GIY5iw?rel=0&showinfo=0]
Սբ. Երրորդության եկեղեցու հոգևոր հովիվ տեր Զենոն քահանա Բարսեղյանի օրհնության խոսքը՝ «Մեր Տեր Հիսուս Քրիստոսի Լույս Հարության խորհրդով, աղոթք եմ բարձրացնում առ Բարեգութ Աստված, որպեսզի առատ շնորհներ և մշտանորոգ ներշնչանքներ պարգևի Ձեզ՝ Ձեր ազգանվեր առաքելության մեջ և իր օրհնության ներքո անխռով պահի Ձեր ընտանեկան հարկը», իրավամբ ոչ միայն ինձ է ուղղված՝ որպես գնահատում… Շնորհակալ եմ, քույրեր, եղբայրներ, սաներ, կրթահամալիրի Գեղարվեստ, Քնարիկ Ներսիսյան, Կարինե Մացակյան, հարափոփոխ Սյուզի, Երաժշտական լաբորատորիա, «Սեբաստացի» վոկալ խմբեր, Թբիլիսիից օր առաջ վերադարձած Ստեփան Թորոյան և ընկերներ, ամերիկյան շրջագայությունը օրերով հետաձգած «Տիեզերք» համույթ, սեբաստացիներ բոլոր տարիքների, որտեղ և եք։
Շաբաթվա ընթացքում ստացածս զանգերից երկուսն առանձնանում են։ Մեկը Խաչիկ գյուղից էր՝ Նախիջևանին սահմանամերձ. զանգեց քոլեջի խմբով գյուղում գտնվող Անահիտ Մելքոնյանն ու փոխանցեց… ծառայությունը զորամասում անցկացնող միշտ մրցանակակիր-սեբաստացի Վիտալի Գրիգորյանին… Բարի ծառայություն ու վերադարձ Վիտալիին, բոլոր օրինասեր քաղաքացիներին… Իսկ մյուս զանգը Ռուսաստանից՝ բազմազավակ Գրունիկ Դավթյանից էր՝ Լիլիթ Բլեյանի մանկության Անուշից…
Խաչիկյան նախագծի ֆոտոխրոնիկա։
Լուսանկարները՝ Անահիտ Մելքոնյանի։
Այսօր մեռելոց է… Ժամեր առաջ Լիլիթն իր գործերով մեկնեց Վիեննա։ Ի՜նչ լավ է, որ Վիեննայում քույրիկ Շուշանին կհանդիպի, ու Զատիկը կշարունակվի: Սոնայի բախտը այստեղ բերեց. մի քանի օր Խարբերդում կհյուրընկալվի իր քույրիկ Արևիկին ու մորաքույր Տաթևիկին… Ես Նազենի կրտսերի հետ այցելելու եմ էմմա Հովհաննիսյան-Բլեյան քույրիկ, մայրիկին… Ամենահարազատների, մտերիմների հետ լինելու, նաև ավանդույթով փոխանցված գործերը կատարելու օր…
Իսկ Ավագ Շաբաթվա և Սուրբ Երրորդության բակում տոնի ամենալավ պատումը ինձ համար Դավթի այս ուրախությունն է իր ընտրյալ Անուլիկի հետ։ Մինչ ես ու Արմինեն մտածում էինք՝ ոնց Դավթին բերենք Սուրբ Երրորդություն, Դավիթը Սուրբ Երրորդության աշխույժի, տոնի մեջ գտավ… Եվ հետո շատ դժվար էր բաժանել նրանց…
Լուսանկարները՝ Արմինե Աբրահամյանի։
Այսպիսի կոնկրետ ընթերցարան
- «Արմատականությունը չի սկսվում կրոնական գաղափարից: Այն տղաների մոտ, որոնց ես գիտեմ, չկա և ոչ մի գաղափարախոսություն. Նրանք չունեն մեծ գաղափարներ… նրանք մեկնում են, քանի որ մերժում են ինչ-որ բան: Նրանք մինչև կոկորդը կուշտ են այս հասարակությունից»,- պնդում է Բրյուսելի Մոլենբեկ շրջանի մարզիչներից մեկը։
- Գերմանիան նոտարական նախագծերի համար Վրաստանին կտրամադրի 140 մլն. եվրո… «Նախագիծը ենթադրում է Վրաստանի քաղաքներում և գյուղերում նորարարական կենտրոնների բացում, որտեղ բնակչությունը կկարողանա տիրապետել ծրագրավորման, դիզայնի, միկրոէլեկտրոնիկայի, գործարարական հմտությունների, ինչն էլ իր հերթին կնպաստի շրջաններում տեխնոլոգիական բիզնեսի զարգացմանը»,- ասել է Վրաստանի վարչապետը։
- Նարինջ ես սիրում եմ, տեսողությունից, գիտեք, չեմ բողոքում… Ավելի շատ կուտեմ տեսողության բարելավման լավագույն այս միջոցից...
- Եվ վերջին նյութն այս ընթերցանության համար… «Հայաստանի բաց թողնված հնարավորությունները». Հայաստանից է, մեր տնտեսությունից, հեշտ է կարդացվում…
Վրաստանյան նախագծի ֆոտոխրոնիկա Շոթա Թորոսյանից։
#626
