Վաղը՝ սեպտեմբերի 19-ը աշխատանքային օր է, մեր հեղինակային կրթական ծրագրերի աշնանային հավաքի մեկնարկը։
Առավոտյան ընդհանուր պարապմունքը տոնական է՝ տևում է 30 րոպե։ Ժամը 9.00-9.30 դպրոցներում երգում ենք, պարում ենք, խաղում ենք Կոմիտաս։ Ներկայացվում են բարձունքների նվաճման սեպտեմբերյան նախագծերը՝ դպրոցից ով ուր է գնում, ինչ խմբով-նախագծով։
9.30 դպրոցներից ճանապարհում են սեպտեմբերի 19-ի ճամփորդական-արշավային խմբերին, սկսում ուսումնական պարապմունքները։
Ուսումնական օրվա մեջ կարող են նախատեսվել քաղաքային ճամփորդություններ՝ այդ թվում նաև՝ այցելություն Կոմիտասի թանգարան-ինստիտուտ, Կոմիտասի շիրիմին Կոմիտասի անվան պանթեոնում…
10.00 հեծանվաակումբի շքերթին մասնակցում են միայն մեծ հեծանիվները։
Ամեն մարդ զբաղվում է իր գործով, իր նախագծով, իր ճամփորդությամբ… Հավաքին պատշաճ խնամված, հետաքրքիր, հավաք ուսումնական օր բոլորին։
