Ես սկսում եմ կրթահամալիրի ավագ դպրոցների պատանիներից աշխատանքային ջոկատի ստեղծումը և այդ գործի ղեկավարումը վստահում եմ 2015-ի մեր շրջանավարտներին՝ Հարություն Ալեքսանյանին և Աննա Գսպոյանին… Նախաձեռնության առիթը տվեց Ավագ դպրոցի մեր Բագրատը Մարտիրոսյան, ով մոտեցավ ինձ՝ հասուն հայացքով, նայեց աչքերիս մեջ ու հայտնեց.

– Ամառը ես պիտի աշխատեմ, Տիար: Կարո՞ղ եք ինձ աշխատանք առաջարկել:
– Իհարկե, եղբայր իմ, Բագրատ:
Այս ֆիզիկապես ուժեղ, աշխատանք սիրող, սարեր շուռ տվող Բագրատն աշխատանքից երբե՛ք չի փախել, առաջինն է արձագանքել, ծանր կողմը բռնել… Ինչը տղայի մոտ ես կարևորում եմ: Հիմա պիտի կատարի վճարովի աշխատանք՝ փող աշխատի, ինչպես հասուն, ինքնուրույն մարդ… Հարությունն ու Աննան՝ մեր բոլոր դրական առումներով ընդունակ շրջանավարտները, Ավագ դպրոցի, Գեղարվեստի ու Վարժարանի հետագա մասնագիտական կրթության ճանապարհն ընտրել են փող աշխատելու-ինքնակրթությամբ ընտրած մասնագետը դառնալու հեռանկարով… Աննան՝ գրադարանի մեր աղջիկը, ինչպես հմայիչ Զառա Առաքելյանը, գրադարանային գործը մասնագիտական կդարձնի հեռակա ուսուցմամբ, Հարությունը հնչյունային օպերատոր դառնալու վճիռ է կայացրել՝ կրթահամալիրի քոլեջում սովորել-աշխատելով… Ձեզ ամառային աշխատանք, բարեկամներ, շինջոկատ ձևավորեք. ես ձեր պատվիրատուն եմ… Մեծ հեծանվահրապարակն ավարտենք, հեծանվադպրոցի տարածքը մաքրենք, «Ցանկապատ» նախագծերը շարունակենք, իմ խոստացած կրթահամալիրի յոթ մասնաշենքը ողջ ամառ գրավիչ ու բանուկ պահենք… Էլի, էլի…

 

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Explore More

Անմահանա ուսուցման ու «ջան ամառ»-ի շրջանը միասին ապրելու համեցեք…

Ուժեղ քամին օրեր առաջ տարավ մեր «Մեդիակենտրոն» մեծ ցուցանակը և լավ առիթ տվեց այս պահից կրթահամալիրի՝ Րաֆֆի 57 հասցեում մասնաշենքը կոչել ճիշտ իր նշանակությամբ՝ կրթահամալիրի «Կենտրոն»։ Կենտրոնում է մեր հեղինակային

Որ հայրենիքը երես չդարձնի մեզնից, որպես օտարներից…

Թեև գալիս եք դուք ալիքների նման և աստղերի Ձեր ճանապարհի՜ն, ձեր կոչումի՜ն, ձեր ընթացքի՜ն անգետ — Բայց լինելու է ձեր երթը այս դժնի ու լուրթ ափերին Արևներից, աստղերի՜ց ավելի ուրույն

«Այո»-ն «այո»-ի և «ոչ»-ը «ոչ»-ի տեսքով…

Հայաստանի, կրկնում եմ, Հայաստանի Տավուշի մարզի Բերդավանը, Դովեղը, Նոյեմբարյանը, Պառավաքարը… 2015թ. սեպտեմբերի 24-ին տևական ռմբակոծվում են ադրբեջանական զինուժի կողմից այնպես, որ Բերդավանում քաղաքացիական բնակչությունից՝ երկու, Պառավաքարում մեկ զոհ կա, վիրավորներ