— Ես մեր տան հաքերն եմ… Ինչ լինում է ձեր թվային գործիքների հետ՝ ինձ ասեք,- հայտարարում է Դավիթ Բլեյանը ու ընդամենը վայրկյաններ ծախսում իմ-մեր նոթբուքի թերությունը վերացնելու վրա…
Իսկ հաքեր Դավիթը դարձել է դպրոց-պարտեզում՝ իր ընկերներից-ուսուցիչներից, ինտերնետից սովորելով… Դուք էլ կարող եք դիմել հաքերին մեր, նա պատրաստակամ է:

Մեր տան զարթուցիչը՝ որպես ճռվողյուն-դայլայլ առավոտյան 6-ից 7-ը, Աստղիկն է… այնքան, մինչև մայրիկը այլ ճար չի ունենում, արթնանում է, կաթիկ տալիս, որ Դավիթն ու Արմինեն քնեն ամենակարևոր րոպեները, մինչև 7։30 իմ վերկացնելը:

Ինձ մնում է հաքեր Դավթին համոզել, որ կազմակերպի Աստղիկ զարթուցիչի ուղիղ եթերը առավոտյան, որը կգա փոխարինելու իմ պատում-գրին ամենօրյա, կամ կդառնա իմ գրի, նրա ընթերցողների ազդակը…

Աստղափայլ շարքը՝ Արմինե Աբրահամյանի:

Շուշան Բլեյանի այսօրվա համերգը կրթահամալիրի «Սեբաստիա» դահլիճում հաստատ բուժիչ ազդեցություն է ունենում ինձ վրա, ինչպես Լիլիթ Բլեյանի վաղվա համերգը… Որոշված է հանգամանքներով. եղբայր ու քեռի Դավիթ Բլեյանը օժտված քույրիկների համերգային-արտիստական-արվեստագիտական գործունեություն մեկենասությունը պիտի երաշխավորի: Հաստատակամ է դա անելու ճարտարապետությամբ-շինարարությամբ. թող անի:

Կարմրահերների մասին mskh.am-ի առաջին էջում «Առավոտ լուսո»-ի այս հաղորդման դիտումը, որ առանձնացրել էի, շեղեց իմ գրի ընթացքը: Սեբաստացի մեր կարմրահեր Մանե-Նարեի մայրիկին տված խոստումը ամոթ առաջացրեց… Մեր Սյուզան Սարգսյանը «Տարբերվողները» հեղինակային նախագծով է հանդես գալիս. այսօր հենց այդ օրն է, որ կզրուցենք, պայմանով, որ մեր զրույցը եթեր կհեռարձակվի իմ այսօրվա պատումում… Հավանում եմ և իր սկսած հաղորդաշարի բոլոր նյութերը դիտել եմ, և իր կարմրահերներին, առանձնահատուկ են բոլորը, հավանեցի, և՛ հաղորդումը՝ իր միջավայրով, կրթահամալիրի Բանգլադեշի Արևելքում:

[youtube https://www.youtube.com/watch?v=Ddj5CBKThrQ]

Ֆոտոխմբագիր՝ Սոնա Փափազյան
#1634